Bota

Matteo Renzi: Shumë e donin edhe e urrenin, por Silvio Berlusconi bëri historinë e Italisë

Berlusconi emri i të cilit është lakuar në disa skandale seksuale dhe akuza për korrupsion, vuante nga leuçemia kronike

12 Qershor 2023, 11:02 Nga m.s
Matteo Renzi: Shumë e donin edhe e urrenin, por Silvio Berlusconi bëri
Silvio Berlusconi dhe Matteo Renzi

ITALI- Silvio Berlusconi, ish-kryeministri italian që u rikthye nga skandalet seksuale dhe akuzat për korrupsion, ka vdekur në moshën 86-vjeçare. Ai ndërroi jetë në spitalin San Raffaele në Milano, raportojnë mediat italiane. Për ndarjen nga jeta ka reaguar krytari i Partisë Italia Viva, Matteo Renzi, shkruan "Rai News".

“Silvio Berlusconi bëri histori në këtë vend”, shkruan Matteo Renzi në Facebook. "Shumë e donin atë, shumë e urrenin: të gjithë sot duhet të kuptojnë se ndikimi i tij në jetën politike, por edhe ekonomike, sportive dhe televizive ka qenë i paprecedentë. Sot Italia vajton së bashku me familjen e tij, të dashurit, kompanitë e tij, partia e tij. Të gjithë atyre që e donin, përqafimi im më i dashur dhe më i sinqertë. Në këto orë mbaj me vete kujtimet e takimeve tona, të këshillave të shumta, të marrëveshjeve tona, të përplasjeve tona. Por veçanërisht një telefonatë që Silvio, jo presidenti, më bëri të derdh lot duke folur për nënën time. Do të na mungosh”, përfundon ai.

Berlusconi emri i të cilit është lakuar në disa skandale seksuale dhe akuza për korrupsion, vuante nga leuçemia kronike. Në muajin prill ai u trajtua në spital për një infeksion të mushkërive. Një manjat mediatik miliarder, Berlusconi erdhi për herë të parë në detyrë në vitin 1994 dhe drejtoi katër qeveri deri në vitin 2011. Ai udhëhoqi partinë e qendrës së djathtë Forza Italia, e cila hyri në koalicion nën kryeministren Giorgia Meloni pas zgjedhjeve në shtator, kur ai u zgjodh në dhomën e lartë të Italisë.

silvio berlusconi matteo renzi

Sondazh

Poll

MË SHUMË