Art&Argëtim

"Një emër tjetër", Dua Lipa zbulon detaje interesante nga fëmijëria

Dua shtoi se shpeshherë është ndjerë paksa e përjashtuar dhe që e vogël ka qenë gjithmonë shumë e përkushtuar.

7 Qershor 2023, 09:57 Nga f.i
"Një emër tjetër", Dua Lipa zbulon detaje interesante
Dua Lipa

SHBA- Emri këngëtares shqiptare, i Dua Lipës është i veçantë dhe i shumëpërfolur vitet e fundit, por në një intervistë për BBC Lipa ka treguar se kur ishte më e vogël do të kishte dashur të kishte një emër tjetër. 

“Njerëzit më pyesnin për origjinën e emrit tim. Jam shumë krenare për të, por kur isha e re, doja që emri im të ishte, Hannah, më “normal” dhe më “anglez”,-u shpreh këngëtarja.

Dua shtoi se shpeshherë është ndjerë paksa e përjashtuar dhe që e vogël ka qenë gjithmonë shumë e përkushtuar. “Babi thotë se është shumë e vështirë të më thuash “jo”,-ka thënë Dua.
 
Këngëtarja shqipatre me famë botërore ka folur edhe për dashurinë e saj për librat dhe ka thënë se librat e ndihmuan të kalonte një lidhje, për të cilën tha se ish-partneri i saj kishte një tjetër ide për Duan, një ide që nuk përputhej me realitetin. Dua theksoi se sjellja dhe këmbëngulja e saj e ndihmuan të zgjerojë horizontet e saj, sigurisht që të arrijë në pikën e suksesit ku është sot.

dua lipa

Sondazh

Poll

MË SHUMË