Sport

Çmenduritë saudite s'kanë fund! Benzema dhe Leo Messi, nuk janë të vetmit...

Arabia Saudite është e gatshme të bëjë gjithçka për të tërhequr yjet më të mëdhenj të futbollit. Benzema dhe Messi nuk do të jenë të vetmit që do të ofrohen për sezonin e ri!

5 Qershor 2023, 11:46 Nga DOSJA
Çmenduritë saudite s'kanë fund! Benzema dhe Leo Messi, nuk

ARABIA SAUDITE - Vera e ardhshme në mercato duhet të jetë veçanërisht e trazuar dhe një aktor me sa duket ka vendosur të 'mbjellë' mosmarrëveshje në planetin e futbollit:

Arabia Saudite dhe buxheti i saj i pakufizuar do të synojë të joshë yjet më të mëdhenj në kampionatin e saj, në mënyrë që të promovojë kandidaturën e saj për Kupën e Botës 2030 apo edhe 2034.

Vendi arab padyshim ia ka dalë të bindë Karim Benzeman që të marrë këtë sfidë të re fitimprurëse, pasi tërhoqi Cristiano Ronaldon disa muaj më parë. 

Dhe Lionel Messi gjithashtu mund të tundohet.  Dhe nuk ndalet me kaq, pasi për të forcuar projektin sportiv të klubeve, Arabia Saudite po planifikon që Karim Benzema (Al-Ittihad) dhe Lionel Messi (Al-Hilal) të shoqërohen edhe me dy yje në krah.

“Sot fola me njerëz shumë të lidhur me Al-Ittihad, klubi ku duket se do të drejtohet Benzema, dhe ata më thanë se klubi po konsideronte nënshkrimin e Ramos dhe Kanté. Kjo nuk do të thotë se ata do të prezantojnë të tre javën e ardhshme, sepse është ekonomikisht e pamundur, por ata po përpiqen të nënshkruajnë me këta tre lojtarë”,- ka deklaruar gazetari Javier Herraez për Cadena SER. 

“Do të kishte tre lojtarë për Al-Ittihad dhe tre të tjerë për tjetrin, Al-Hilal: Messi, Busquets dhe Jordi Alba”, siguron Bruno Alemany, një tjetër gazetar.

B.T (Dosja.al)

Sondazh

Poll

MË SHUMË