Aktualitet

Plagosje brenda familjes në Elbasan, 49-vjeçari qëllon me thikë vëllain e tij (EMRI)

I plagosuri, Avni Kaca ndodhet në spital nën kujdesin e mjekëve, jashtë rrezikut për jetën.

2 Qershor 2023, 09:19 Nga A.B
Plagosje brenda familjes në Elbasan, 49-vjeçari qëllon me
Foto ilustruese

ELBASAN- Një plagosje brenda familjes ka ndodhur mbrëmjen e djeshme në Elbasan. Avni Kaca është plagosur me thikë nga i vëllai, Kujtim Kaca, ky i fundit është vënë në pranga. Ngjarja mes tyre dyshohet se ka ndodhur për motive të dobëta. 

I plagosuri, Avni Caca ndodhet në spital nën kujdesin e mjekëve, jashtë rrezikut për jetën.

NJOFTIMI I POLICISË:

Plagosi me mjet prerës (thikë), vëllanë e tij, pas një konflikti të çastit për motive të dobëta, në banesë, falë reagimit të menjëhershëm të shërbimeve të Policisë, kapet dhe vihet në pranga 49-vjeçari.

Shërbimet e Komisariatit të Policisë Elbasan, menjëherë pas marrjes së njoftimit se në fshatin Bixelle, Elbasan, një shtetas ishte plagosur me mjet perës (thikë), kanë organizuar punën për zbardhjen e rrethanave të këtij rasti, identifikimin dhe kapjen e autorit.

Si rezultat i veprimeve të shpejta dhe profesionale nga Policia, u identifikua, u kap dhe u arrestua në flagrancë shtetasi K. K., 49 vjeç, banues në fshatin Bixelle, Elbasan, pasi dyshohet se mbrëmjen e djeshme, në banesën e tij, në fshatin Bixelle, pas një konflikti të çastit, për motive të dobëta, ka dëmtuar me mjet prerës (thikë), vallanë e tij, shtetasin A. K., 46 vjeç.

46-vjeçari ndodhet në kujdesin e mjekëve, jashtë rrezikut për jetën. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

kujtim kaca avni kaca

Sondazh

Poll

MË SHUMË