Politike

Kërkesat e BE për 'zbutjen' e tensioneve në veri, Rama i mbështet: Të plotësohen menjëherë 3 pikat

Rama u shpreh se Macron dhe Scholz kanë treguar shpirtin e tyre të madh evropian.

2 Qershor 2023, 07:16 Nga A.B
Kërkesat e BE për 'zbutjen' e tensioneve në veri, Rama
Edi Rama

TIRANË- Kryeministri Edi Rama ka reaguar për tri pikat e propozuara nga BE për të normalizuar situatën në veri të Kosovës. Përmes një postimi në rrjetet sociale, Rama u shpreh se Macron dhe Scholz kanë treguar shpirtin e tyre të madh evropian.

“Nuk mund të falënderoj sa duhet Emmanuel Macron dhe kancelarin Scholz për atë që po bëjnë për të finalizuar procesin e normalizimit Kosovë-Serbi! Duke i parë ata të ulur me aq respekt me të dyja palët në përpjekje për të zgjidhur një konflikt absurd tregon gjithçka për shpirtin e tyre të madh evropian. Faleminderit.

Përgëzoj edhe presidenten Vjosa Osmani për të folur drejtpërdrejt me presidentin serb Vuçiç, dhe me të vërtetë shpresoj që këto tri kërkesa të plotësohen menjëherë në mënyrë që ky konflikt absurd të përfundojë para se të dëmtojë reputacionin e Kosovës përtej riparimit të shpejtë dhe integrimin e saj të mëtejshëm në komunitetin demokratik.

Një falenderim i madh edhe për Josep Borrell  për pasionin dhe durimin e tij për të ndihmuar që ky zbulim historik të realizohet më në fund.’- shkruan Rama.

Bashkimi Europian ia ka bërë të qartë Serbisë dhe Kosovës se duhet të plotësojnë tre kërkesa për të qetësuar situatën në veri të Kosovës, në të kundërt do të ketë pasoja të rënda për të dyja palët. Josep Borrell ka njoftuar se ndërkombëtarët kanë tre kërkesa të qarta.

Serbët në veri kërkojnë dorëheqjen e kryekomunarëve të rinj shqiptar që u zgjodhën më 23 prill dhe forcave speciale të Policisë së Kosovës. Prej 5 ditësh, ata vijojnë protesta e tyre në veri të Kosovës./Dosja.al

edi rama tensione në veri të kosovës

Sondazh

Poll

MË SHUMË