Sport

Kroos mbetet në pritje për vete dhe jep lajmin për shokun e skuadrës: “E mbylli me Realin”

“Duhet të pyes sërish drejtuesit se kur duan të zyrtarizojnë rinovimin tim. Duhet të nxitojnë, sepse do të më duhet të shkoj me pushime”, theksoi 33-vjeçari.

30 Maj 2023, 13:09 Nga DOSJA
Kroos mbetet në pritje për vete dhe jep lajmin për shokun e

SPANJE - Toni Kroos ka vendosur të luajë edhe një vit me Real Madrid, por zyrtarizimi i rinovimit nuk po vjen ende. Mesfushori gjerman nuk e kursen batutën në lidhje me situatën e tij, teksa lajmëron edhe largimin e një kolegu.

“Duhet të pyes sërish drejtuesit se kur duan të zyrtarizojnë rinovimin tim. Duhet të nxitojnë, sepse do të më duhet të shkoj me pushime”, theksoi 33-vjeçari.

Më pas një koment për Marco Asension, një nga lojtarët që ndodhen në vitin e fundit të kontratës me “Los Blancos”. 27-vjeçari pritet të nisë një aventurë të re larg Bernabeut.

“Kam përshtypjen se Asensio dhe Real Madrid nuk do të vazhdojnë përpara së bashku”, u shpreh Toni Kroos, duke “zyrtarizuar” largimin e anësorit të djathtë ofensiv.

Asensio është pjesë e klubit historik spanjoll prej verës së vitit 2015. Gjatë kësaj periudhe kaloi një sezon i huazuar tek Espanyoli. Me Realin ka fituar plot 16 trofe.

B.T (Dosja.al)

Sondazh

Poll

MË SHUMË