Politike

Presidenti Begaj vizitë zyrtare në Itali, shpallet “Qytetar Nderi” nga Komuna e Roshanos (FOTO)

Në fjalën e mbajtur, Presidenti Begaj vlerësoi përkushtimin e komunitetit arbëresh të Vila Badesës, që kanë ditur të ruajnë gjuhën, kulturën, traditat e të parëve.

28 Maj 2023, 12:13 Nga a.l
Presidenti Begaj vizitë zyrtare në Itali, shpallet “Qytetar
Bajram Begaj

ITALI-  Presidenti i Republikës, Bajram Begaj gjatë qëndrimit të tij në Itali, ka zhvilluar një vizitë edhe në komunën e Roshanos ku u nderua me titullin 'Qytetar Nderi' nga ana e Kryetarit të Bashkisë së Roshanos, Dr. Simone Palozo. Në fjalën e mbajtur, Presidenti Begaj vlerësoi përkushtimin e komunitetit arbëresh të Vila Badesës, që kanë ditur të ruajnë gjuhën, kulturën, traditat e të parëve.

“Shumë faleminderit për këtë mikpritje të ngrohtë e vëllazërore që organizuat me rastin e ardhjes time në Vila Badesa, dhe për më tepër të organizuar në këtë Kishë simbol të arbëreshëve dhe krenarie për çdo shqiptar,” tha në fjalën e tij Presidenti Begaj.

Ai u takua me autoritetet vendore të komunës si dhe rajonit të Abrucos, me përfaqësues të komunitetit arbëresh të Roshanos, por edhe me diasporën e re shqiptare të vendosur aty në tre dekadat e fundit.  Presidenti i Republikës, Bajram Begaj vizitoi gjithashtu dhe qytetin e Kietit, ku u prit nga autoritetet lokale, ndër të cilët Kryetari i Bashkisë të Kietit, Diego Ferrara, Presidenti i Provincës së Kietit, Francesco Menna, Prefekti i Chietit, Mario Della Cioppa etj.  

 

bajram begaj

Sondazh

Poll

MË SHUMË