Art&Argëtim

Tina Turner: Disfatat që i shënuan jetën – Si humbi dy fëmijët e saj

Artistja e dashur e muzikës Soul humbi të dy djemtë e saj biologjikë.

27 Maj 2023, 13:32 Nga k.m.
Tina Turner: Disfatat që i shënuan jetën – Si humbi dy
Tina Turner

SHBA- Tina Turner dha frymën e fundit të mërkurën, më 24 maj, në moshën 83-vjeçare. Pavarësisht problemeve shëndetësore që e mundonin prej vitesh, artistja legjendare vdiq nga shkaqe natyrale në shtëpinë e saj në Kusnacht të Zvicrës, afër Cyrihut. Zëdhënësi i saj, Bernard Doherty, njoftoi vdekjen e saj.

“Tina Turner, ‘Mbretëresha e Rock’n Roll’-it u nda nga jeta e qetë sot në moshën 83-vjeçare pas një beteje të gjatë me shëndetin e saj. Ajo vdiq në shtëpinë e saj në Küsnacht afër Cyrihut, Zvicër. Me të, bota po humbet një legjendë dhe model të muzikës”, thuhet në deklaratë.

Përveç betejës së saj prej vitesh me kancerin e zorrëve dhe presionin e lartë të gjakut, të cilat e munduan për më shumë se katër dekada, këngëtares iu desh të përballej edhe me "demonët e saj të brendshëm". Për vite me radhë, ajo luftoi me plagët psikologjike të lëna nga abuzimet që kishte pasur në jetë. Mirëpo, “vetëshkatërrimi” i saj erdhi pas humbjes së dy fëmijëve. Jeta e saj, e cila dikur ishte plot magjepsje, sukses dhe dallime, përfundoi me varësi dhe përpjekje për vetëvrasje.

Fëmijët e saj ishin burimi i forcës së saj, pasi ajo kishte deklaruar në të kaluarën se "nuk ndihej sikur kishte marrë dashuri nga dikush tjetër". Ajo kishte një djalë, Craig, me saksofonistin Raymond Hill, ndërsa Ronnie ishte fryt i dashurisë me burrin e saj të parë, Ike Turner. Fatkeqësisht, fati i saj ishte tragjik pasi të dy i ndërruan jetë dhe Tina Turner nuk e kapërceu kurrë humbjen e tyre.

Ronnie Turner po luftonte me kancerin, ashtu si nëna e tij. Ai ndërroi jetë vitin e kaluar pas komplikimeve. Sipas ekzaminimit mjekësor, shkak i vdekjes së tij ishte metastaza e kancerit në organet e tjera vitale. Ai ishte 62 vjeç kur u nda nga jeta.

Ndërsa Craig Hill i dha fund jetës me një plumb në kokë. Ndryshe nga Ronnie, i cili nuk e dinte se çfarë i kishte rezervuar fati, Craig vendosi të vetëvritej në vitin 2018, në moshën 59-vjeçare, me një plumb të vetëm në kokë. Ai vrau veten në shtëpinë e tij në Kaliforni. Ai punonte si sekser në Beverly Hills. Nëna e tij u informua për vdekjen e tij ndërsa ishte në Paris,e teksa fliste për të në CBS Newz, këngëtarja e madhe ka shpjeguar se Craig ka qenë gjithmonë shumë i vetmuar, ndërsa ka lënë të kuptohet se ndoshta ka vuajtur nga probleme psikologjike.

“Unë mendoj se Craig ishte aq i vetmuar, kjo është ajo që e çoi atë atje, më shumë se çdo gjë tjetër. Kam fotot e tij rreth meje dhe e shoh atë të buzëqeshë dhe kështu, ndjej se dhimbja zbutet. Ndjehem sikur ai është në një vend më të mirë”, tha ajo.

Mirëpo, pak kohë më vonë, në një intervistë të re për BBC, ajo pohoi se nuk e kishte idenë se çfarë mund ta kishte shtyrë djalin e saj t'i jepte fund jetës, pasi sidomos tani që ai kishte një vajzë në jetën e tij.

“Ende nuk e di se çfarë e ka çuar në këtë ekstrem. Gjatë asaj kohe më kishte thënë se nuk kishte takuar kurrë një grua që e kishte bërë të ndjehej ashtu,”- tha ai.

 

vdes tina turner vdes djali i tina turner tina turner

Sondazh

Poll

MË SHUMË