Aktualitet

Tentoi të vriste me sëpatë fqinjin pas konfliktit banal, arrestohet 38-vjeçari në Pogradec (EMRI)

Polica ka vendosur në pranga  Erjon Shaqollari, 38 vjeç dhe mësohet se 61-vjeçari ndodhet në spitalin e Pogradecit dhe është jashtë rrezikut për jetën.

26 Maj 2023, 15:02 Nga f.i
Tentoi të vriste me sëpatë fqinjin pas konfliktit banal,
arrestimi

POGRADEC- Një ngjarje e rëndë ka ndodhur në Pogradec, ku një 38-vjeçar pas një sherri brutal ka tentuar të vriste me sëpatë fqinjin e tij 61-vjeçar. Polica ka vendosur në pranga Erjon Shaqollari, 38 vjeç dhe mësohet se 61-vjeçari ndodhet në spitalin e Pogradecit dhe është jashtë rrezikut për jetën.

Njoftimi i policisë:

Falë ndërhyrjes së shpejtë dhe veprimeve profesionale policore, policia arrestoi Erjon Shaqollari, 38 vjeç, banues në Pogradec, pasi dyshohet se pasditen e djeshme, pas një konflikti për motive të dobëta, ka dëmtuar me mjet prerës (sëpatë), fqinjin e tij, shtetasin K. H., 61 vjeç, banues në Pogradec, i cili aktualisht merr ndihmë mjekësore, në spitalin e Pogradecit dhe është jashtë rrezikut për jetën.

Në vijim të veprimeve procedurale për këtë rast, shërbimet e Policisë i gjetën 38-vjeçarit, nga kontrolli fizik, një tjetër mjet prerës (thikë), i cili iu sekuestrua në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprat penale “Vrasja me dashje”, mbetur në tentativë dhe “Prodhimi, mbajtja, blerja apo shitja pa leje e armëve të ftohta.

arrestohet 38-vjeçari në pogradec erjon shaqollari

Sondazh

Poll

MË SHUMË