Sport

Mbyllet kampionati i futbollit në Salvador, pas rrëmujës dhe kaosit vdekjeprurëse…

Federata salvadoriane (Fesfut) dhe klubet vendosën të mërkurën të ndalojnë turneun përmbyllës të kampionatit, pas rrëmujës që la 12 të vdekur të shtunën në një stadium.

25 Maj 2023, 10:59 Nga DOSJA

Mbyllet kampionati i futbollit në Salvador, pas rrëmujës dhe

SALVADOR - “Kemi vendosur të shpallim të përfunduar kampionatin kombëtar 2022-2023 të El Salvadorit”,- thanë Federata Salvadorane e Futbollit (Fesfut) dhe klubet në një deklaratë të mërkurën, katër ditë pas rrëmujës që mori jetën e 12 personave në “Cuscatlán”, stadiumi në San Salvador, në fillimin e një ndeshje të kategorisë së parë mes ekipit vendas Alianza dhe CD FAS.

“Kjo masë është marrë për shkak të seriozitetit të fakteve dhe nevojës për të garantuar kushtet e sigurisë së ambienteve sportive”,- shtoi Fesfut, i cili gjithashtu saktësoi se “nuk do të ketë (nuk) kampion turneu.

Si rezultat, federata do të propozojë që kampioni dhe nënkampioni i vitit 2022, përkatësisht FAS dhe Jocoro, si dhe klubi Aguila, i renditur më i lart në kampionatin 2023, të përfaqësojnë El Salvadorin në turneun e ardhshëm të Concacaf.

Klubi Alianza u konsiderua përgjegjës për aksidentin dhe mori një sanksion njëvjeçar për t’i luajtur ndeshjet me dyer të mbyllura nga Fesfut.

Sipas autoriteteve, një shitje e mundshme e biletave të falsifikuara, ose shitja e biletave të tepërta, mund të jetë shkaku i tragjedisë, pasi shumë njerëz janë përpjekur të futen me forcë në stadiumin tashmë të tej ngopur.

B.T (Dosja.al)