Bota

Xi Jinping takohet me kryeministrin rus Mikhail Mishustin, premton bashkëpunimin e mëtejshëm mes dy vendeve

Sipas udhëheqësit kinez, Pekini synon të forcojë koordinimin me Moskën duke ndërvepruar në platforma të tilla të rëndësishme ndërkombëtare si Organizata e Bashkëpunimit të Shangait (SCO), BRICS dhe G20, shkruajnë mediat e huaja.

24 Maj 2023, 14:49 Nga a.l

Xi Jinping takohet me kryeministrin rus Mikhail Mishustin, premton

Xi Jinping dhe Mikhail Mishustin

RUSI- Presidenti kinez Xi Jinping ka zhvilluar sot një takim me kryeministrin rus Mikhail Mishustin. Mediat e huaja raportojnë se pas takimit, lideri kinez bëri me dije se qeveria kineze është e gatshme të zhvillojë marrëdhëniet me Rusinë në bazë të mbështetjes reciproke dhe duke marrë parasysh interesat kryesore të dy vendeve.

"Kina është e gatshme të vazhdojë të ndërveprojë me Rusinë bazuar në mbështetjen e ndërsjellë të fortë dhe duke marrë parasysh interesat kryesore të njëra-tjetrës," citoi kanali CCTV të thoshte Xi Jinping në takimin me kryeministrin rus Mikhail Mishustin.

“Forcimi dhe zhvillimi i bashkëpunimit Kinë-Rusi korrespondon me aspiratat e popujve të vendeve tona; ky është trendi mbizotërues”, theksoi Xi Jinping.

Ai shprehu gjithashtu shpresën se Kina dhe Rusia do të vazhdojnë të ofrojnë hapësirë të madhe dhe perspektiva të gjera për promovimin e bashkëpunimit dinamik dypalësh.

Kryeministri rus Mikhail Mishustin do të vizitojë Republikën Popullore të Kinës më 23-24 maj. Fillimisht ai mbërriti në Shangai, ku mori pjesë në forumin e biznesit Rusi-Kinë. Më pas, ai fluturoi për në Pekin, ku u takua me kryeministrin e Këshillit Shtetëror të Kinës, Li Qiang. Palët nënshkruan një sërë marrëveshjesh dypalëshe, duke përfshirë një memorandum për zgjerimin e bashkëpunimit tregtar.

xi jinping mikhail mishustin