Bota

Ish-modelja e "Playboy" flet për romancën 10 mujore me Donald Trump

Në një intervistë ekskluzive për “Daily Mail”, Karen McDougal thotë se marrëdhënia e tyre që nisi në vitin 2006, ishte e bazuar në dashuri të sinqertë dhe zgjati 10 muaj.

20 Maj 2023, 15:16 Nga m.s
Ish-modelja e "Playboy" flet për romancën 10 mujore me
Donald Trump dhe Karen McDougal 

SHBA- Një ish-modele e “Playboy” ka zbuluar detaje nga lidhja e saj me ish-presidentin Donald Trump. Në një intervistë ekskluzive për “Daily Mail”, Karen McDougal thotë se marrëdhënia e tyre që nisi në vitin 2006, ishte e bazuar në dashuri të sinqertë dhe zgjati 10 muaj.

Karen është njëra nga dy femrat – tjetra është Stormy Daniels, e cila dyshohet se kishte një lidhje me multimilionerin e martuar para suksesit të tij në vitin 2016, shkruan "DailyMail".

Janë këto 'akuza' të grave që qëndrojnë në qendër të hetimit të zyrës së Prokurorit të Distriktit të Manhatanit për Trumpin tani 76-vjeçar, duke e bërë atë ish-presidentin e parë në histori që përballet me akuza penale – 34 prej tyre, për të qenë të saktë. Por të gjitha këto ai i mohon.

Ndryshe nga Stormy Daniels – e cila e ka lënë pa dyshim përbuzjen e saj për Trump, duke e përshkruar takimin e tyre seksual të supozuar si “90 sekondat më të këqija të jetës sime”, Karen këmbëngul në intervistën e saj ekskluzive me "Daily Mail", se marrëdhënia e tyre ishte reale.

Sigurisht që është e lehtë të shihet se si Trump mund të ketë rënë në dashuri me të. Trump pretendon se akuzat penale janë pjesë e një 'gjuetie politike shtrigash', në përpjekje për ta ndaluar atë të kandidojë në zgjedhjet presidenciale.

“Njerëzit e tij e kanë mohuar, por ai nuk e ka mohuar kurrë”, thotë ajo. "Një gazetar e pyeti: "A kishe një lidhje me Karen McDougal?" dhe gjithçka që ai tha ishte: "Nuk kam bërë asgjë të keqe". Ai e di që po them të vërtetën'.

Karen ka dhënë detaje më të imtësishme për lidhjen e saj me Trump. Së pari, raporti i tyre nuk ishte një çështje rastësore; ata ishin të dashuruar, këmbëngul ajo.

'Isha e dashuruar me të. Ai ishte i dashuruar me mua. E di sepse ma thoshte gjatë gjithë kohës. Ai më thoshte 'Ti je fëmija im dhe unë të dua'. Ai më njohu me miqtë e tij'.

Dhe së dyti: “Jam portretizuar si gruaja e pakënaqur, por nuk jam ajo grua. I dhashë fund”, thotë ajo.

Por, si u ndanë? McDougal ishte ajo që i dha fund marrëdhënies, pasi u njoh me një burrë të quajtur Bruce. Bëhet fjalë për aktorin e famshëm Bruce Willis, me të cilin është fotografuar për pushime në Itali, në vitin 2007.

“Unë nuk po mashtroja Trumpin, por Bruce dhe unë po flisnim shumë në telefon. Kështu që e bëri më të lehtë t'i jepnim fund. Pse do të qëndroja me një burrë të martuar, kur Bruce ishte një djalë i mirë dhe beqar?', ka thënë më tej ajo.

donald trump stormy daniels  playboy

Sondazh

Poll

MË SHUMË