Aktualitet

I kapën klientët me kokainë në lokal, shqiptari fiton pafajësinë dy vite pas arrestimit: Nuk isha në dijeni për asgjë

Në sallën e gjyqit i pandehuri konfirmoi se nuk kishte dijeni për ndonjë përdorim droge brenda klubit dhe mbi të gjitha se nuk e kishte toleruar kurrë një gjë të tillë.

18 Maj 2023, 18:41 Nga F.M
I kapën klientët me kokainë në lokal, shqiptari fiton
Terni

ITALI- Një 36-vjeçar shqiptar ka fituar pafajësinë dy vite pas arrestimit të tij, pasi në tualetin e lokalit që menaxhonte, u kapën disa klientët duke konsumuar kokainë. Bëhet fjalë për një bar që frekuentohej gjatë natës nga të rinjtë e zonës së Ternit. Policia u fut për kontroll dy vite më par në këtë lokal dhe gjeti klientët teksa konsumonin kokainë në tualet. Te gjithë u shoqëruan në komisariat dhe bashkë me ta, shqiptari që e menaxhonte ambientin. Ai është 36 vjeç dhe emri i tij nuk është bërë publik.

Sot, shqiptari doli në gjyq dhe gjyqtarja Simona Tordelli pranoi argumentet e avokatit Francesco Mattiangeli. Në sallën e gjyqit i pandehuri konfirmoi se nuk kishte dijeni për ndonjë përdorim droge brenda klubit dhe mbi të gjitha se nuk e kishte toleruar kurrë një gjë të tillë.

Prokurori kishte kërkuar dënimin me tre vjet burg për të.

Për prokurorinë, klientët e rregullt, personat e përfshirë në operacionin “Caronte” që solli në burg nëntë narkotrafikantë por edhe shumë të rinj nga Terni, ai vend ishte një strehë e sigurt. Një vend ku ata mund të konsumonin të sigurtë kokainë pasi e kishin blerë pranë klubit.

Por, përtej debateve që uzhvilluan gjatë procesit gjyqësor,36-vjeçari shqiptar u shpall i pafajshëm.

shqiptaret ne itali

Sondazh

Poll

MË SHUMË