Bota

Kosovë/ Humb jetën 21-vjeçarja jetime, policia: U mbyt nga ushqimi

Një 21-vjeçare ka humbur jetën në Shtime, Kosovë, si pasojë e mbytjes nga ushqimi.

16 Maj 2023, 10:08 Nga m.s
Kosovë/ Humb jetën 21-vjeçarja jetime, policia: U mbyt nga
policia Kosove

KOSOVË- Një 21-vjeçare ka humbur jetën në Shtime, Kosovë, si pasojë e mbytjes nga ushqimi. Lajmin e ka përcjellë policia e Kosovës, ku thekson se ngjarja e rëndë ka ndodhur ditën e hënë në “Shtëpinë e fëmijëve”. Zëdhënësi i Policisë së Kosovës për rajonin e Ferizajt, Kanun Veseli, konfirmoi se ndonëse të resë i është dhënë ndihma e parë, ajo nuk ia ka dalë dot mbanë.

“Më datën 15.05.2023 rreth orës 19:30 , policia e stacionit në Shtime ka pranuar një informacion se një person D.S ( F/K) e moshës 21-vjeçare nga “Shtëpia e fëmijëve” në Shtime, për ndihmë mjekësore fillimisht është dërguar në Qendrën e Mjekësisë Familjare në Shtime dhe më pas me autoambulancë është dërguar në Qendrën Emergjente në Ferizaj, ku nga mjekët është konfirmuar vdekja e saj, dyshohet ngulfatje nga ushqimi”, tha ai.

“Me vendim të prokurorit kujdestar, trupi i pajetë është dërguar në Institutin e Mjekësisë Ligjore në Prishtinë për ekspertizë mjeko-ligjore”, theksoi ai.

Rasti në fjalë është cilësuar “Hetim mbi vdekjen”. /Dosja.al

kosove jetime

Sondazh

Poll

MË SHUMË