Bota

'Gjenerojnë 10 herë më shumë energji sesa bomba atomike e Hiroshimës'/ Shkencëtarët: Ndryshimet klimatike i bëjnë ciklonet më shkatërruese

Ato ndahen në kategori të ndryshme sipas fuqisë së tyre maksimale të qëndrueshme të erës dhe shkallës së dëmtimit që mund të shkaktojnë. 

15 Maj 2023, 18:52 Nga a.l
'Gjenerojnë 10 herë më shumë energji sesa bomba atomike
Cikloni

Një studim i kryes së fundmi nga meteorologët dhe ekspertët e motit, zbulon se ndryshimet klimatike nuk i bëjnë më të shpeshta ciklonet, si ai që godet Bangladeshin, por i bën ato më intensive dhe shkatërruese. 

Këto dukuri natyrore jashtëzakonisht të fuqishme kanë etiketa të ndryshme sipas rajonit që godasin, por ciklonet, uraganet dhe tajfunet janë të gjitha stuhi të dhunshme tropikale që mund të gjenerojnë 10 herë më shumë energji sesa bomba atomike e Hiroshimës.

Ato ndahen në kategori të ndryshme sipas fuqisë së tyre maksimale të qëndrueshme të erës dhe shkallës së dëmtimit që mund të shkaktojnë. 

"Një ciklon është një sistem me presion të ulët që formohet në tropikët në një zonë mjaft të nxehtë për t'u zhvilluar. Karakterizohet nga retë e shiut/stuhisë që fillojnë të rrotullohen dhe gjenerojnë shira dhe erëra intensive, dhe një stuhi e krijuar nga era," tha zoti Emmanuel Cloppet, nga zyra franceze e motit Meteo France.

Këto fenomene të mëdha të motit disa qindra kilometra të gjerë bëhen më të rrezikshme nga aftësia e tyre për të udhëtuar në distanca të mëdha.  Ciklonet tropikale kategorizohen sipas intensitetit të erës, duke u ngritur nga depresioni tropikal (nën 63 kmh), përmes stuhisë tropikale (63 kmh deri në 117 kmh) deri te uragani i madh (mbi atë), shkruajnë mediat e huaja. 

Ata quhen ciklone në Oqeanin Indian dhe Paqësorin Jugor, uragane në Atlantikun e Veriut dhe Paqësorin Verilindor dhe tajfunë në Paqësorin Veriperëndimor. Agjencitë meteorologjike që i monitorojnë ato përdorin shkallë të ndryshme për t'i kategorizuar ato, në varësi të pellgut oqeanik në të cilin ndodhen.

cikloni

Sondazh

Poll

MË SHUMË