Aktualitet

Ura e shkatërruar në Tropojë rrezik për jetën, ankohet qytetari në ditën e zgjedhjeve: Nuk i'a vlen të votosh

TrKujtim Margjeka, banues në fshatin Bujan të Tropojës, pasi shkoi për të votuar ditën e sotme, ndau me ndjekësit e tij foton e urës së shkatërruar ku ai dhe bashkëshortja e tij duhet të rrezikojnë jetën për të kaluar, për t'u kthyer në shtëpi.

14 Maj 2023, 15:06 Nga a.d
Ura e shkatërruar në Tropojë rrezik për jetën, ankohet
Bujan, Tropojë

TROPOJË- “Vota jonë plumb për armikun e për katund të fikun,”- kështu shkruan një qytetar në llogarinë e tij në Facebook, teksa ilustron me foto vështirësitë e të kthyerit në shtëpi, pas dhënies së votës në qendrën e votimit.

Kujtim Margjeka, banues në fshatin Bujan të Tropojës, pasi shkoi për të votuar ditën e sotme, ndau me ndjekësit e tij foton e urës së shkatërruar ku ai dhe bashkëshortja e tij duhet të rrezikojnë jetën për të kaluar, për t'u kthyer në shtëpi.

Sipas tij, ura dhe kjo lagje kanë vite që nuk ndryshojnë. Në këtë ditë zgjedhjesh, qytetari e adreson këtë problematikë si një çështje që duhet zgjidhur menjëherë, duke u përpjekur të tërheqë edhe vëmendjen e drejtuesve që po garojnë. 

"Në foto gruaja ime duke kaluar urën, shpresojmë të rregullohet një ditë,"- shkruan qytetari në postimin që ka tërhequr vëmendjen e qindra banorëve të tjerë.

Ura e shkatërruar në Tropojë rrezik për jetën, ankohet 

“Kjo nuk është njerëzore. Shtylla elektrike është e mbështetur në kavon e urës, dhe ka rrezik në çdo moment. Shpresojmë që të mos marrë jetë njeriu. Kam komunikuar me bashkinë dhe më lart, dhe më është premtuar (rregullimi i urës), por kjo është urgjente,”- shkruan Margjeka në një nga komentet.

Ura e shkatërruar në Tropojë rrezik për jetën, ankohet

Lidhur me problematikën që e shqetëson, Kujtimi shprehet se "nuk i'a vlen të votosh".

Ura e shkatërruar në Tropojë rrezik për jetën, ankohet

ure e prishur rrezik per jeten bujan tropoje

Sondazh

Poll

MË SHUMË