Aktualitet

Fredi Beleri në burg, pjesëmarrje e lartë e qytetarëve në qendrat e votimit në Himarë, dy autobusë me votues vijnë nga Greqia

Dy autobusë me votues kanë ardhur nga Greqia, për ditën e zgjedhjeve vendore.

14 Maj 2023, 09:50 Nga m.s
Fredi Beleri në burg, pjesëmarrje e lartë e qytetarëve
foto ilustruese

HIMARË- Në Himarë është shfaqur një inters i lartë i votuesve që në orët e para të hapjes së procesit të votimit. Bëhet me dije se procesi ka nisur në 36 qendra të Bashkisë së Himarës. Problematika janë hasur në tre prej tyre, pasi nuk dinë të ndezin pajisjen. Po kështu ka pasur mungesë të operatorëve teknikë. Raportohet ndër të tjera se dy autobusë me votues kanë ardhur nga Greqia, për ditën e zgjedhjeve vendore.

Për Bashkinë Himarë garojnë Jorgo Goro nga PS dhe Fredi Beleri nga koalicioni "Bashkë Fitojmë". Fredi Beleri u vu në pranga mesnatën e të premtes, i akuzuar se është përfshirë në korrupsion zgjedhor.

Po ashtu gjykata vendosi të dërgojë dosjen e tij në Prokurorinë e Posaçme Kundër Krimit të Organizuar dhe Korrupsionit, si prokuroria kompetente për hetimin e korrupsionit në zgjedhje. Bashkë me Belerin në pranga edhe Pandeli Kokaveshi, si bashkëpunëtorë në tentativën e kandidatit për kryebashkiak për të blerë vota.

 

 

zgjedhjet lokale 14 maj 2023

Sondazh

Poll

MË SHUMË