Aktualitet

Shit-blerje votash? Prokuroria e Dibrës: U kryen kontrolle, s’u konstatua asgjë e paligjshme, tre personat u lanë të lirë

Tre personat e shoqëruar në polici, pasi janë marrë në pyetje janë lënë të lirë.

13 Maj 2023, 08:01 Nga A.B
Shit-blerje votash? Prokuroria e Dibrës: U kryen kontrolle, s’u
Policia

DIBËR-Prokuroria e Dibrës ka reaguar pas denoncimit të Ismail Ukës, kandidat i koalicionit “Bashkë Fitojmë”, për Bashkinë e Dibrës, ku sipas tij po bëhej sheshit shit-blerjes së votës nga ana e pozitës.

Sipas prokurorisë, pas këqyrjes së kamerave të sigurisë, ka rezultuar se nuk ka pasur asgjë të paligjshme. Tre personat e shoqëruar në polici, pasi janë marrë në pyetje janë lënë të lirë.

REAGIMI I PROKURORISË:

Më datë 12 Maj 2023, rreth orës 17:00 Prokuroria  e Rrethit Gjyqësor Dibër është njoftuar nga ana policisë lidhur me denoncimin e shtetasit I. U., kandidat për kryetar bashkie i koalicionit “Bashkë Fitojmë”, se në një banesë në "Lagjen e re" në Peshkopi po shpërndahen lekë për blerje votash. Menjëherë në vendin e pretenduar se kryhej kjo veprimtari, është nisur grupi hetimor i kryesuar nga prokurori i gatshëm. Pasi është marrë kontakt me punonjësit e Policisë së Shtetit, e cila kishte mbërritur në vendngjarje janë nisur veprimet procedurale.

Bazuar në pretendimin e denoncuesit janë kqyrur pamjet e kamerave të sigurisë së një subjekti privat. Nga pamjet nuk është konstatuar asgjë e paligjshme.

Është kryer kontrolli i banesës të shtetasit E.LL., 33 vjeç, ku pretendohej se shpërndaheshin lekë. Ky shtetas ka qenë në banesën e tij private bashkë me dy shtetase të tjera, S.Z., 37 vjeç dhe E.D., 22 vjeç, me të cilat ka lidhje familjare. 

Gjatë kontrollit të banesës nuk është konstatuar asnjë send i kundraligjshëm apo provë që të vërtetonte pretendimet e denoncuesit I.U. Të tre këta shtetas janë shoqëruar në Komisariatin e Policise Dibër ku janë marrë në pyetje. Pasi kanë dhënë shpjegimet dhe nuk ka rezultuar asgjë e paligjshme, të tre janë lënë të lirë.

 

diber ismail uka

Sondazh

Poll

Aktualitet 12 Maj 2023, 21:30 F.M

Gruaja plagos burrin në Paskuqan

Policia TIRANË- Një ngjarje e rëndë ka ndodhur në Paskuqan këtë mbrëmje, pasi gruaja ka qëlluar bashkësho...

MË SHUMË