Sport

Vjen edhe përgjigjja përfundimtare e Leaos për Chelsean dhe Real Madridin…

Ylli 23-vjeçar portugez kërkoi rritje të pagës nga 1.5 milionë në 7.5 milionë euro, gjë që u pranua nga administrata e Milanit.

27 Prill 2023, 21:48 Nga DOSJA

Vjen edhe përgjigjja përfundimtare e Leaos për Chelsean dhe Real

ITALI - Rafael Leao i është përgjigjur përfundimisht me “Jo” ofertës së Chelseat dhe pas muajsh negociatash, më në fund pranoi të nënshkruajë kontratë të re me Milanin. Sipas mediave italiane, skuadra e Milanit nuk po mendon ta lërë të largohet, madje i ka ofruar një zgjatje dyvjeçare të kontratës, e cila skadon në verën e vitit 2024.

Në raportin përkatës të “Gazzetta dello Sport” thuhet se Leao ka vendosur të qëndrojë në Milano dhe i është përgjigjur negativisht propozimit të skuadrës londineze, ashtu edhe të Real Madridit. Ylli 23-vjeçar portugez kërkoi rritje të pagës nga 1.5 milionë në 7.5 milionë euro, gjë që u pranua nga administrata e Milanit.

“Kuqezinjtë” zbulojnë se në ditët në vijim do të ketë një marrëveshje përfundimtare dhe në fakt është planifikuar një takim i ri me agjentin e tij për javën e ardhshme, ku do të përcaktohet se do të nënshkruhet marrëveshja për qëndrimin e Leaos në Milano edhe për disa vjet.

Duhet theksuar se për të rënë dakord me të, kampionët italianë kanë pranuar dhe kanë paguar gjobën e vendosur ndaj tij për largimin e tij nga Sportingu i Lisbonës në vitin 2018.

Klubit portugez iu dha një dëmshpërblim prej 16.5 milionë euro, i cili me kamatë dhe shtesa tani arrin në 20 milionë euro. Kështu që Leao nuk do të duhet të shlyejë gradualisht këtë borxh të veçantë, por Milani do ta marrë përsipër atë.

B.T (Dosja.al)