Bota

Lituania miraton legjislacionin për kthimin e emigrantëve të paligjshëm, hyn në fuqi më 1 qershor

Lituania ka miratuar sot në Parlament disa ndryshime në Ligjin e saj për Kufijtë Shtetëror dhe Mbrojtjen e saj që legalizon ndalimin e emigrantëve në territorin e saj në kufi me Bjellorusinë, një shtrirje prej 678 kilometrash në të cilën shkelen të drejtat e njeriut.

25 Prill 2023, 15:36 Nga a.l

Lituani

LITUANI- Lituania ka miratuar sot në Parlament disa ndryshime në Ligjin e saj për Kufijtë Shtetëror dhe Mbrojtjen e saj që legalizon ndalimin e emigrantëve në territorin e saj në kufi me Bjellorusinë, një shtrirje prej 678 kilometrash në të cilën shkelen të drejtat e njeriut.

Me 69 vota pro, 7 kundër dhe 24 abstenime, legjislacioni i ri planifikohet të hyjë në fuqi më 1 qershor, pasi presidenti i vendit, Gitanas Nauseda, ta nënshkruajë atë. Ligji i ri do të zbatohet vetëm kur të shpallet gjendja e jashtëzakonshme. Ndër dispozitat e tij, ai përfshin krijimin e një korpusi kufitar të përbërë nga vullnetarë civilë të armatosur, shkruajnë mediat e huaja.

Ky trup i ri i rojeve civile të kufirit është një nga aspektet që shqetëson më shumë organizatat e të drejtave të njeriut, të cilat kanë frikë se modeli që synohet të imitohet është ai i forcës analoge që ekziston në Hungari që nga viti 2016, kur ai vend miratoi një ligj që legalizon kthimet në Serbi. Për këtë qëllim, u formua një trup agjentësh të cilët morën pseudonimin “gjuetarët emigrantë”, pasi gjykatat ndërkombëtare verifikuan përdorimin nga rojet e tyre të armëve të zjarrit, gazit lotsjellës dhe qenve të stërvitur.

lituani