Aktualitet

Deklarata kundër Ermonela Jahos, "shpjegohet" Josif Gjipali: S'është detyra ime t’i çoj studentët tek masterclassi i sopranos

Josif Gjipali u shpreh se deklarata e tij nuk ka pasur për qëllim të fyejë sopranon, por të tregojë se ata pedagogët të cilët ajo kritikoi, janë mësuar nga njerëz të njohur të artit që dinë më shumë se ajo.

23 Prill 2023, 21:35 Nga k.m.
Deklarata kundër Ermonela Jahos, "shpjegohet" Josif Gjipali:
Josif Gjipali dhe Ermonela Jaho

TIRANË- Tenori Josif Gjipali ka komentuar deklaratën e bërë ndaj Sopranos Ermonela Jaho lidhur me Masterclasin e zhvilluar prej saj, ku kjo e fundit u tregua kritike për mungesën e pjesëmarrjes. Në emisionin "Review", Gjipali u shpreh se deklarata e tij nuk ka pasur për qëllim të fyejë sopranon, por të tregojë se ata pedagogët të cilët ajo kritikoi, janë mësuar nga njerëz të njohur të artit që dinë më shumë se ajo.

“Emri im artistik është Xhuzepe Gjipali, kam parë komente edhe nga njerëz që nuk kanë lidhje me artin të guxojnë që ky tenori i frustruar. Edhe unë dhe të gjithë kolegët e im, dhe Ermonela është dakord që as unë as ajo nuk dimë më shumë se mësuesit tanë. Kur thua që asnjë pedagog i arteve nuk erdhi në masterclass, ti e di që aty ka ca njerëz që kanë kënduar në jetën e tyre dhe ua kanë mësuar ata që dinë më shumë se ata. Në deklaratën time është shprehur qartë që kam respekt të padiskutueshëm për këngëtare, por Ermonela Jaho nuk e njeh fare realitetin shqiptar, ku flitet për Big Brother dhe s’i intereson njeriu çfarë bëhet me lirikën,”- tha Gjipali.

E po ashtu, ai sqaroi se detyra e tij nuk është të detyrojë studentët të shkojnë në një aktivitet, por të bëjë zanatin për të cilin paguhet në Akademinë e Arteve.

“Ne nuk i detyrojmë dot fëmijët të bëjnë atë që duam, jo të detyrojmë studentët. Unë nuk jam qasur fare me këtë gjë, kam qenë në Xhenova duke kënduar një vepër të Verdit me një nga artistët më të mëdhenj që na mëson edhe mua, edhe Ermonelën. Edhe ju të medias po bëni një çik avokatin e djallit. Kërkoni të impononi njerëzit, ka qenë shpallja në Akademi të Artit, ai që do vete, ai që nuk do nuk vete. Detyra ime është të bëj zanatin tim, dhe të bëj punën në Akademinë e Artit, këto të tjerat janë çështje dëshire,”-shtoi ai. 

Disa ditë më parë, zhgënjimi i sopranes Ermonela Jaho që gjeti sallat bosh kur erdhi për të dhënë mësim në Tiranë u pasua me një valë reagimesh. Pedagogë, artistë e emra të medias kanë komentuar mungesën e interesit të shqiptarëve ndaj një masterclasi të Jahos. Kundër doli Gjipali. 

josif gjipali ermonela jaho

Sondazh

Poll

MË SHUMË