Aktualitet

S'u gjet asgjë! Vëzhgime edhe me dron, ndërpriten kërkimet për zhdukjen e “Koçoljes” dhe Sulovarit në Vrinë, rinisin nesër

Kërkimet në Vrinë kanë nisur që prej orëve të mëngjesit, e përveç Policisë së Shtetit, edhe rreth 50 familjarë të Sulovarit kanë kontrolluar zonën.

23 Prill 2023, 18:44 Nga k.m.
S'u gjet asgjë! Vëzhgime edhe me dron, ndërpriten
Pamje nga kontrollet

SARANDË- Ndërpriten kërkimet sot për të nisur sërish nesër në fshatin Vrinë për dy të zhdukurit Leonard Thodhori dhe Fatmir Sulovari. Kjo pasi nuk janë gjetur dy të zhdukurit, pasi në fshat dyshohet se ishin vrarë dhe groposur trupat e tyre. Madje për kërkimet është përdorur edhe droni.

Kërkimet në Vrinë kanë nisur që prej orëve të mëngjesit, e përveç Policisë së Shtetit, edhe rreth 50 familjarë të Sulovarit kanë kontrolluar zonën.

Kush janë dy personat e zhdukur?

1. Leonard Theodhori, 46 vjeç i njohur si “Koçole”. I dënuar disa here. I dyshuar si pjesëmarrës në Masakrën e Qafë-Gjashtës në vitin 1997 ku u vra oficeri i policisë Gjergj Mehmeti. Në vitin 2003 ka qenë prezent ne automjetin që drejtohej nga Andrea Gjini para se ky i fundit të vriste biznesmenin Jaho Bajo. I arrestuar po atë vit për “moskallezim krimi” lidhur me një ngjarje tjetër të kryer nga Gjini. I arrestuar më pas per “vjedhje” e “mashtrim”. Përdorues i lëndëve narkotike dhe i dyshuar si i perfshirë në trafik lëndësh narkotike.

2. Fatmir Sulovari alias Fatmir Krasniqi, 46 vjeç. I dënuar më parë për “armëmbajtje pa leje” dhe “plagosja e lehtë me dashje”. I arrestuar ne prill 2022 ne Lushnje, pasi ne mjetin e tij “BMW” X5 u gjet nje sasi cannabis sativa e ndarë në doza gati për shitje.

leonard thodhori fatmir sulovari

Sondazh

Poll

MË SHUMË