Bota

Akuzohet për sulme terroriste, Gjykata e Moskës lëshon urdhër arrest për shefin e inteligjencës ushtarake ukrainase

Shefi i spiunazhit akuzohet për organizimin e sulmeve terroriste brenda Rusisë.

21 Prill 2023, 15:41 Nga a.l
Akuzohet për sulme terroriste, Gjykata e Moskës lëshon
Kyrylo Budanov

RUSI- Gjykata e Moskës ka lëshuar urdhër arrest për shefin e inteligjencës ushtarake ukrainase, Kyrylo Budanov. Mediat e huaja raportojnë se shefi i spiunazhit akuzohet për organizimin e sulmeve terroriste brenda Rusisë.

Më konkretisht Budanov akuzohet për vepra të lidhura me terrorizmin dhe kontrabandën e armëve. Që nga fillimi i konfliktit në Ukrainë vitin e kaluar, një numër shpërthimesh kanë goditur infrastrukturën ruse, deponitë e armëve dhe objektet ushtarake. 

Rusia ka fajësuar Ukrainën për shumë nga sulmet, ndërsa Kievi as nuk e ka konfirmuar dhe as mohuar përfshirjen e saj. Shërbimi Federal i Sigurisë i Rusisë (FSB) e quajti më parë Budanovin si organizatorin e një shpërthimi që dëmtoi urën që lidh Rusinë me gadishullin ukrainas të aneksuar të Krimesë në tetor. 

kyrylo budanov

Sondazh

Poll