Politike

Vendimi i Kushtetueses për Bordin e Karburanteve, Tabaku: I paplotë! Ia la në dorë qeverisë ta ndërpresë

Tabaku ngre pikëpyetje në lidhje me vendimin, se pse për Bordin e Karburanteve është gjetur pjesërisht e drejt ankesa e deputetëve të opozitës, dhe më herët për bordin e çmimeve të ushqimeve ishte deklaruar i gjithi antikushtetues.

19 Prill 2023, 10:15 Nga A.B
Vendimi i Kushtetueses për Bordin e Karburanteve, Tabaku: I paplotë!
Jorida Tabaku

TIRANË- Një ditë pasi Gjykata Kushtetuese dha vendimin për Bordin e Transparencës, ka reaguar deputetja e Partisë Demokratike Jorida Tabaku. Kjo e fundit ka ngritur pikëpyetje në lidhje me vendimin, se pse për Bordin e Karburanteve është gjetur pjesërisht e drejt ankesa e deputetëve të opozitës, dhe më herët për bordin e çmimeve të ushqimeve ishte deklaruar i gjithi antikushtetues.

REAGIMI:

Vendimi i Gjykatës Kushtetuese, i paplotë, i dha të drejtë një grupi prej deputetëve të PD në lidhje me bordin e karburanteve! E kam quajtur që në fillim bordi komunist, bordi oligarkëve sepse në fakt më pak se sa pesë kompani janë përfitues prej tij dhe është rasti unik në botë ku biznesi ulet me qeverinë e përcakton çmimin në kurriz të qytetarëve.

Prej vendimeve abuzive dhe korruptive të këtij bordi qytetarët kanë paguar 600 mln euro taksa shtesë nga rritja e çmimit qe kanë shkuar te kompanitë dhe tek buxheti i shtetit! Ky biznes me krizën duhej patjetër ndërprerë menjëherë, ndërkohë që GJK vendosi se antikushtetues tek ky bord është afati kohor i papërcaktuar. Pra ia la në dorë qeverisë ta ndërpresë. Ndërkohë që për bordin e çmimit të ushqimeve me të njëjtën bazë, ligjore dhe me të njëjtin arsyetim në ngritje e gjeti plotësisht antikueshtetues ndërsa bordin e karburanteve e gjeti pjesërisht!

Unë nuk i kam sulmuar e nuk do t’i sulmoj kurrë gjykatat e prokurorët si ben rëndom shumica e politikës, por sot kushdo duhet të pyesë veten si ka mundësi që dy borde që janë krijuar me të njëjtën mënyrë, zbatojnë të njëjtën bazë ligjore, e janë firmosur nga të njejtët gjyëtarë në GJK jepen dy vendime të ndryshme. Si mundet që dy pika uji të ngjashme të njëjta, Gjykata Kushtetuese i gjen të ndryshme?

jorida tabaku gjykata kushtetuese bordi i transparences

Sondazh

Poll

MË SHUMË