Bota

Do "priten me thikë" shpenzimet e ministrive në Gjermani, Der Spiegel zbulon "paralajmërimin" e Christian Lindner

Synimi i ministrit gjerman të Financave duket se është mbyllja e boshllëqeve financiare në buxhetin e vitit 2024, por edhe krijimi i një “jastëku sigurie” për kostot e mundshme shtesë që mund të lindin në të ardhmen e afërt në Gjermani.

17 Prill 2023, 09:19 Nga k.m.
Do "priten me thikë" shpenzimet e ministrive në Gjermani,
Christian Lindner

BERLIN- Shkurtime të mëdha janë planifikuar nga Ministria Gjermane e Financave për vitin 2024, paralajmëron "Der Spiegel".

Siç raportohet nga Deutsche Welle, botimi citon një dokument të ministrisë së brendshme, sipas të cilit ministri i Financave, Christian Lindner thuhet se po planifikon shkurtime prej 20 miliardë eurosh si pjesë e një "fondi të ri kursimi". Synimi i ministrit gjerman të Financave duket se është mbyllja e boshllëqeve financiare në buxhetin e vitit 2024, por edhe krijimi i një “jastëku sigurie” për kostot e mundshme shtesë që mund të lindin në të ardhmen e afërt në Gjermani.

Shkurtimet, siç duket edhe nga dokumenti, mund të bëhen kryesisht në ato ministri me kostot më të larta sociale , pra Ministrinë e Familjes, ndërkohë që Ministria e Mbrojtjes duket se është përjashtuar fillimisht nga plani i shkurtimeve. Në fund të fundit, prioriteti më i lartë i qeverisë së përbashkët është përforcimi i ushtrisë gjermane në vitet e ardhshme për shkak të kushteve gjeopolitike ndërkombëtare.

Prandaj, mund të jetë i nevojshëm një ligj i ri, korrigjues i buxhetit, duke specifikuar saktësisht se cilat përfitime të qeverisë, si përfitimet apo grantet, janë shkurtuar. Megjithatë, për momentin Ministria gjermane e Financave duket se përjashton mundësinë e rritjes së taksave. Qëllimi përfundimtar është që shpenzimet e qeverisë prej 424 miliardë eurosh të mund të financohen pa rritje taksash.

Mesazhi i qartë i Lindner-it për ministritë “shpërdoruese”

Ministria gjermane e Financave për momentin nuk ka komentuar zyrtarisht publikimin e Spiegel. Megjithatë, një përfaqësues i ministrisë tha se të ardhurat e pritura për vitin 2024 nuk janë të mjaftueshme për të financuar nevojat e planifikuara të shtetit.

Sipas vlerësimeve të agjencisë Reuters, lëvizja e Lindner shihet si një “paralajmërim” për ministritë e tjera gjermane që duket se planifikojnë të vazhdojnë shpenzimet e tyre pa marrë parasysh planet e ministrit gjerman. Vetë Christian Lindner, si në prezantimin e pikave kyçe për buxhetin e vitit 2024 dhe kuadrin financiar deri në vitin 2027, kishte vënë veton me arsyetimin se planet e shpenzimeve në total tejkalojnë shumë të ardhurat e pritshme dhe gjithashtu tejkalojnë shumë kufirin e lejuar të huamarrjes.

christian lindner gjermani

Sondazh

Poll

MË SHUMË