Sport

VIDEO / Milani mund Napolin edhe në Champions, por kualifikimi ende i hapur!

Kuqezinjtë kanë arritur të fitojnë ndeshjen e pare çerekfinale ndaj Napolit në “San Siro” me shifrat 1-0, ndërkohë që skuadra e Spaletit e mbyll me 10 lojtarë.

12 Prill 2023, 22:12 Nga DOSJA

ITALI - Në “San Siro” po zhvillohet ndeshja e parë çerekfinale, derbi italian mes Milanit dhe Napolit. Në një 45 minutësh ku napolitanët ishin më të rrezikshëm dhe iu afruan më tepër golit, janë kuqezinjtë që udhëheqin dhe shënojnë. Në minutën e 41-të është zhbllokuar kjo ndeshje në favor të skuadrës së Milanit.

Një aksion fantastik i nisur nga “fantazisti” Brahim Diaz ka përfunduar në gol. Fillimisht spanjoli dërgon një top te “luzitani”, Rafael Leao, i cili me një kros të lehtë e çon topin te algjeriani, Ismail Bennacer, i cili me një goditje fantastike në brendësi të zonës mposht portierin Meret. Rezultati shkon në 1-0.

Me këto shifra 1-0 u mbyll i pjesa e parë.

Ndërkohë në të dytën e njëjta histori të dyja skuadrat në sulm, Milani më tepër nëpritje duke tentuar kundërsulmet ndërsa Napoli në përpjekjet për të barazuar shifrat.

Me sa duket taktika e Piolit funksionon më mire dhe brenda 4 minutave Anguissa lë skuadrën e Spaletit me 10 lojtarë duke marrë dy kartona të verdhë në përpjekje për të ndalur kundërsulmet e Milanit.

VIDEO / Milani mund Napolin edhe në Champions, por kualifikimi ende i

Minutat në vazhdim folën sërish për Napolin i cili edhe pse në inferioritet numerik pati disa raste por u përbal me një Meignan në superfomë që mbajti portën e tij të paprekur.

B.T (Dosja.al)