Bota

Lufta në Ukrainë/ Rusia përballet me mungesë predhash, komandanti: Do nisim të kursejmë municionet

ISW tha se kërkesa e lartë për predha tregon se forcat ruse janë ende të mbështetura në artileri për të kompensuar dobësitë në aftësinë e tyre luftarake, të tilla si aftësitë e dobëta të shënjestrimit dhe aftësitë e pamjaftueshme të sulmit tokësor.

9 Prill 2023, 11:03 Nga a.l
Lufta në Ukrainë/ Rusia përballet me mungesë predhash,
Ushtria ruse

RUSI- Vijojnë kundërsulmet në Ukrainë nga forcat ruse. Mediat e huaja raportojnë se ditët e fundit ushtria ruse po përballet me mungesë predhash artilerie në vijën e frontit. Komandanti i mbështetur nga Kremlini, Alexander Khodakovsky, tha se komanda ruse ka vendosur kursejë municionet, në zonat e vijës së frontit ku nuk ka operacione sulmuese. 

Ai gjithashtu bëri të ditur se, mungesa e predhave është për shkak të përgatitjeve për një kundërofensivë ukrainase, ndërsa  shtoi se komandantët duhet t'i japin përparësi municioneve artilerie. 

ISW tha se kërkesa e lartë për predha tregon se forcat ruse janë ende të mbështetura në artileri për të kompensuar dobësitë në aftësinë e tyre luftarake, të tilla si aftësitë e dobëta të shënjestrimit dhe aftësitë e pamjaftueshme të sulmit tokësor.

Grupi i ekspertëve me bazë në SHBA tha se mungesat e vazhdueshme në municionet e artilerisë ruse do të minojnë aftësinë e Moskës për të kompensuar dobësitë e tjera të saj. Forcat ukrainase po përdorin një të tretën e predhave sa Rusia dhe po i ruajnë këto duke qenë më të zgjedhur me objektivat e tyre.

lufta ukraine-rusi

Sondazh

Poll

MË SHUMË