Aktualitet

Seanca u shty sërish, ç’ndodhi në gjyqin për inceneratorin e Elbasanit, ‘tentativa e tretë’ caktohet më 20 prill

Sot nuk është paraqitur njëra prej të pandehurave, konkretisht e Jonida Zeqos, anëtare e Komisionit të Vlerësimit të Ofertave.

7 Prill 2023, 17:00 Nga F.M
Seanca u shty sërish, ç’ndodhi në gjyqin për
SPAK

TIRANË- Më 20 prill në orën 09:30 do të mbahet seanca e radhës për inceneratorin e Elbasanit. Kjo do të jetë tentativa e tretë për të nisur procesin e gjykimit, pas dy seancave të tjera që janë shtyrë. Fillimisht, seanca u shty më 30 mars për tu mbajtur sot, më 7 prill për shkak të mungesës së avokatëve.

Ndërsa sot nuk është paraqitur njëra prej të pandehurave, konkretisht Jonida Zeqo, anëtare e Komisionit të Vlerësimit të Ofertave. Zyrtarisht Zeqo ndodhet nën masën “arrest shtëpie”, por për herë herë të dytë autoritet nuk e kanë gjetur në adresën përkatëse, ndaj nuk kanë mundur që ta njoftojnë dot që të jetë e pranishme në sallën e gjyqit.

Hetimet për inceneratorin e Elbasanit janë mbyllur. Të pandehur janë marrë ish-ministri i Mjedisit Lefter Koka, ish-deputeti Alqi Bllako, Mirel Mërtiri, Klodian Zoto, Stela Gugallja, Pëllumb Abeshi, Etleva Kondi, Jonida Zeqo , Bardhyl Çabiri, Serafin Papa. Të arrestuar janë vetëm katër prej tyre, Lefter Koka, Alqi Bllako, Pëllumb Abeshi dhe Byrdhyl Çabiri, ndërsa të tjerët janë lënë në arrest shtëpie. Mirel Mërtiri, Klodian Zoto dhe Stela Gugallja janë ende në kërkim.

inceneratori i elbasanit

Sondazh

Poll

MË SHUMË