Sport

VIDEO/ Benzema shënon ‘hat-trick’ për 7 minuta në fitoren tenistike ndaj Valladolid

Real Madridi fitoi 6-0. Francezi shkëlqeu me paraqitjen e tij, duke shënuar golin e tretë me një gërshërë akrobatike.

2 Prill 2023, 18:45 Nga DOSJA

VIDEO/ Benzema shënon ‘hat-trick’ për 7 minuta në

SPANJE - Një treshe ekspres. Në shtatë minuta, Karim Benzema gjunjëzoi tre herë mbrojtjen e Valladolidit këtë të dielë në La Liga. Francezi ishte fillimisht oportunist, duke përfituar nga një gabim i Jawad el Yamiq për të shënuar me kokë nga afër (25’). 

Më pas mashtroi portierin kundërshtar me një goditje të pastër katër minuta më vonë në hyrje. Për të kompletuar performancën e tij, sulmuesit francez iu desh një krosim i rrezikshëm i Rodrygos, që me një kërcim mbresëlënës akrobatik (32’) do ta dërgonte topin përsëri në rrjetë. Në minutën e 55-të Benzema u largua nga fusha e blertë për t’i lënë vendin belgut Eden Hazard.

VIDEO/ Benzema shënon ‘hat-trick’ për 7 minuta në

Me këtë ‘hat-trick’, me një periudhë të mbetur për t’u luajtur, “Topi i Artë” i vitit 2022 tani ka 14 gola në La Liga, 3 më pak se Robert Lewandowski që kryeson listen e golashënuesve, me 10 ndeshje të mbetura për t’u luajtur.

Golat e tjerë për Real Madridin, në fitoren e thellë 6-0 ndaj Valladolidit, u realizuan nga Rodrygo (22’), Asensio (73’) dhe Lucas (90’+1).

B.T (Dosja.al)

Sondazh

Poll

MË SHUMË