Sport

James McClean, futbollisti rebel kundër Anglisë, tregon se është diagnostikuar me autizëm në moshën 33-vjeçare...

"Siç e dinë të gjithë, vajza ime Willow-Ivy është autike. Unë po shihja aq shumë tipare të vogla të saj në veten time, sa vendosa të vlerësohem. Tani kam një diagnozë dhe është koha ta ndaj."

29 Mars 2023, 12:06 Nga DOSJA

James McClean, futbollisti rebel kundër Anglisë, tregon se

ANGLI - James McClean, një lojtar 33-vjeçar i Wigan Athletic, i cili ka luajtur 98 ndeshje për Republikën e Irlandës, ka zbuluar se ai është diagnostikuar me autizëm.

Mbrojtësi veteran, i cili ka luajtur për Derry City, Sunderland, Wigan Athletic, West Bromwich Albion dhe Stoke City gjatë gjithë karrierës së tij, iu nënshtrua testeve mjekësore, pasi vajza e tij Willow-Ivy u diagnostikua me të.

'Daily Mail' raporton se James McClean po e ndihmonte vajzën e tij të kuptonte çrregullimin e saj dhe të mësonte për autizmin prej saj përpara se të vendoste të bënte një vlerësim për veten.

 
 
 
 
 
View this post on Instagram
 
 
 
 
 
 
 
 
 
 
 

A post shared by James McClean (@macajw)

"Siç të gjithë e dinë, vajza ime Willow-Ivy është autike. Ndërsa gruaja ime Erin dhe unë mësuam më shumë për autizmin, filluam të kuptojmë se unë isha shumë i ngjashëm me Willow. Pashë kaq shumë tipare të vogla të saj në veten time, sa që vendosa të shkoj dhe të vlerësohem. Tani që kam një diagnozë, ndjej se është koha ta ndaj”,- ka postuar James McClean në Instagram.

 
 
 
 
 
View this post on Instagram
 
 
 
 
 
 
 
 
 
 
 

A post shared by James McClean (@macajw)

Në vitin 2015, James McClean, atëherë anëtar i West Bromwich Albion, u bë tituj në mbarë botën për rebelimin kundër himnit anglez. Në një lojë para-sezonale kundër Charleston Battery, një ekip i divizionit të tretë në SHBA, irlandezi verior nuk u kthye në drejtim të flamurit të Anglisë gjatë himnit para lojës.

Në nëntor 2012, në një ndeshje me Sunderland, James McClean refuzoi të vishte lulekuqin përkujtimor në përkujtim të ushtarëve anglezë të vrarë në luftëra .

"Për mua, veshja e lulëkuqes është një shenjë mosrespektimi për njerëzit e pafajshëm që humbën jetën në The Troubles, luftën 30-vjeçare të Britanisë dhe të dielën e përgjakshme,"- tha McClean në 2012. "Në jetë, nëse jeni një burrë, duhet të luftosh për atë që beson,"- ka deklaruar ai.

James McClean ka lindur në një zonë të Republikës së Irlandës me një karakter të fortë republikan. Diçka që ka shërbyer si argument për disa njerëz për ta etiketuar atë si të lidhur me lëvizjen e zhdukur terroriste të pavarësisë IRA.

B.T (Dosja.al)

Sondazh

Poll

MË SHUMË