Aktualitet

U kap me çantën me kartmonedha koleksioni, procedohet 57-vjeçari në Kakavijë

Policia njofton se koleksioni i karmonedhave është gjetur në çantën e tij, ndërsa 57-vjeçari pritet të përballet me akuzën për veprë penale,  “Trafikimi i veprave të artit dhe kulturës”.

26 Mars 2023, 13:35 Nga a.l
U kap me çantën me kartmonedha koleksioni, procedohet
Sekuestrohen 808 kartëmonedha dhe monedha koleksioni në Kakavijë

KAKAVIJË- Një 57-vjeçar është proceduar penalisht pasi tentoi të trafikonte kartmonedha dhe monedha koleksioni drejt Greqisë duke kaluar nga Kakavija. Policia njofton se koleksioni i karmonedhave është gjetur në çantën e tij, ndërsa 57-vjeçari pritet të përballet me akuzën për veprë penale,  “Trafikimi i veprave të artit dhe kulturës”.

"Si rezultat i kontrolleve të shtuara për parandalimin, evidentimin dhe goditjen e trafiqeve të paligjshme, bazuar dhe në analizën e riskut, goditën një rast të tentativës për trafikim të veprave të artit dhe kulturës. Shërbimet e Policisë, në dalje të RSh-së, gjatë kontrollit të ushtruar në vijën e dytë, në çantën e shtetasit Q. H., gjetën dhe sekuestruan 223 kartëmonedha dhe 585 monedha koleksioni, të cilat nuk i kishte deklaruar sipas përcaktimeve ligjore në fuqi. Në përfundim të veprimeve procedurale, specialistët e Seksionit për Hetimin e Trafiqeve të Paligjshme dhe Narkotikëve në DVP Gjirokastër referuan materialet në Prokurori dhe nisi procedimi penal në gjendje të lirë për shtetasin Q. H., 57 vjeç, banues në Tiranë, për veprën penale “Trafikimi i veprave të artit dhe kulturës”, njofton policia. 

Materialet i kaluan Prokurorisë pranë Gjykatës së Rrethit Gjyqësor Gjirokastër, për veprime të mëtejshme.

arrestime ne kakavije

Sondazh

Poll

MË SHUMË