Bota

Pas 'paqes', Kurti cakërron gotat me Ramush Haradinajn në Gllogjan

Ai është pritur në kullë nga kreu i AAK-së, Ramush Haradinaj, me të cilin kanë ngritur edhe një dolli me nga një gotë raki.

24 Mars 2023, 13:56 Nga I.A

Pas 'paqes', Kurti cakërron gotat me Ramush Haradinajn në

Albin Kurti dhe Ramush Haradinaj

KOSOVË- Kryeministri i Kosovës, Albin Kurti po qëndron sot në Gllogjan me rastin e 25 vjetori të Epopesë së Dukagjinit. Ai është pritur në kullë nga kreu i AAK-së, Ramush Haradinaj, me të cilin kanë ngritur edhe një dolli me nga një gotë raki.

Kreu i Qeverisë së Kosovës Albin Kurit ka mbajtur edhe një fjalim në organizimin e bërë në Gllogjan, ku e ka përmendur Ramush Haradinajn. Pasi i është referuar “z. Ramush Hradinaj”, Kurti ka bërë një buzëqeshje të lehtë dhe pastaj është duartrokitur nga të pranishmit.

Albin Kurti dhe Ramush Haradinaj

Albin Kurti dhe kreu i AAK-së Ramush Haradinaj duket se kanë bërë 'paqe' mes tyre pas marrëveshjes evropiane me Serbinë. Kurti ka pranuar planin franko-gjerman dhe është zotuar që ta respektojë këtë marrëveshje pas takimit me Vuçiç më 18 mars në Ohër. Ndërkohë që nga ana tjetër, Ramush Haradinaj është i vetmi lider i opozitës në Kosovë, i cili ka theksuar se kjo marrëveshje është në favor të Kosovës, ndryshe nga krerët e partive të tjera opozitare, të cilat e kanë mohuar këtë.

albin kurti ramush haradinaj