Bota

Digjet qëllimisht lokali i njohur në Athinë, 7 persona të lënduar, një në gjendje të rëndë, dëshmitë: Hodhën diçka brenda

Flakët u përhapën me shpejtësi në pjesën ballore të pallatit dhe u desh ndërhyrja e dhjetëra zjarrfikësve të evakuojnë banorët.

24 Mars 2023, 08:18 Nga A.B
Digjet qëllimisht lokali i njohur në Athinë, 7 persona të
Lokali

GREQI- Digjet lokali i njohur në lagjen Nea Zmrini të Athinës. Sipas forcave zjarrfikëse, disa persona thyen xhamin dhe hodhën sende djegëse në brendësi të një lokali në rrugën Elefterios Venizelos të kësaj lagjeje. Flakët u përhapën me shpejtësi në pjesën ballore të pallatit dhe u desh ndërhyrja e dhjetëra zjarrfikësve të evakuojnë banorët,dhe në vazhdim për fikjen e zjarrit.

7 të plagosurit ndodhen në spital jashtë rrezikut për jetën, me përjashtim të njërit prej tyre, i cili ka plagë djegieje të rënda. Ekipet e zjarrfikësve por edhe të policisë, po hetojnë lidhur me zjarrvënien e cila për pak u kthye në tragjedi.

Një punonjës pastrimi raportoi se teksa ishte brenda duke pastruar, u shfaqën 2-3 persona të cilët thyen xhamin, hodhën diçka në hyrje të dyqanit dhe zjarri u përhap menjëherë në pjesën tjetër të zonës.

Digjet qëllimisht lokali i njohur në Athinë, 7 persona të

“Unë punoj në dyqan. Dikush theu dritaren dhe më pas shpërtheu një zjarr dhe u largua. Isha vetëm brenda dhe dola menjëherë”, tha punonjësi.

Informacione për shkaqet e zjarrit ka dhënë një përfaqësues i zjarrfikësve nga vendi i zjarrit.

“Shërbimi ynë ka dalë në vendin e ngjarjes me shtatë automjete, përfshirë edhe vinça. Qëllimi ishte parandalimi i rrezikut të përhapjes së zjarrit dhe shpëtimi i jetëve të banorëve të kateve të sipërme që kanë përdorim banesor”, tha ai. 

Burimi: Protothema.gr

digjet lokali ne greqi greqi

Sondazh

Poll

MË SHUMË