Bota

Një nga të arratisurit më të kërkuar në botë! Koreja e Jugu e konfirmon: Kapet në Mal të Zi bosi i 'kriptomonedhave'

Dyshohet se Do Kwon udhëtonte me emër të rremë me dokumente false

24 Mars 2023, 07:48 Nga A.B
Një nga të arratisurit më të kërkuar në botë!
Do Kwon

BRITANI E MADHE- Policia e Koresë së Jugut deklaron se Do Kwon, bossi i kriptomonedhave që qëndron pas kolapsit prej 40 miliardë dollarësh (32.5 miliardë paund), është arrestuar në Mal të Zi. 

Në fillim të këtij viti amerikanët akuzuan Kwon dhe kompaninë e tij Terraform Labs për "orkestrimin e një mashtrimi shumë miliardë dollarësh të letrave me vlerë të aseteve kripto". Firma nuk iu përgjigj asnjëherë kërkesës së mediave për koment, raporton BBC.

Autoritetet e Koresë së Jugut lëshuan një urdhër arresti për Kwon shtatorin e kaluar pasi besonin se Terraform Labs kishte shkelur rregullat e tregut. Ata menduan se ai ishte në Serbi, madje dërguan zyrtarë në Beograd për të negociuar, pasi të dy kombet nuk kanë një traktat ekstradimi.

Lajmi për arrestimin e tij u nda fillimisht nga ministri i brendshëm i Malit të Zi, Filip Adzic, i cili tha në Twitter se "një nga të arratisurit më të kërkuar në botë" ishte arrestuar në aeroportin e Podgoricës. Adzic shtoi se i dyshuari dyshohet se udhëtonte me një emër të rremë me dokumente false. Autoritetet po prisnin për konfirmimin zyrtar të identitetit të këtij personi.

Policia e Koresë së Jugut konfirmoi sot se i dyshuari në Mal të Zi ishte Kwon, pasi gjurmët e gishtave të tij përputheshin me të dhënat zyrtare./Dosja.al

do kwon

Sondazh

Poll