Bota

Kurti: Ka marrëveshje edhe pa nënshkrim, kjo është njohje de-fakto nga Serbia

Më tej kryeministri Kurti, duke folur për këtë marrëveshje, u shpreh se vetë ka pranuar ta nënshkruajë, por është shfaqur edhe destruktiviteti i Serbisë.

22 Mars 2023, 22:10 Nga I.A
Kurti: Ka marrëveshje edhe pa nënshkrim, kjo është njohje
Albin Kurti

KOSOVË- Duke folur për marrëveshjen Kosovë-Serbi, kryeministri Albin Kurti, shpjegoi se edhe pse nuk ka nënshkrim, megjithatë ka marrëveshje. Kjo pasi sipas Kurtit, ndërmjetësi evropian, në këtë rast vetë BE-ja, ka konstatuar një gjë të tillë.

“Jo vetëm kaq, por 27 shtete, në mbledhjen e tyre me 29 shkurt, e kanë pranuar këtë marrëveshje”, tha ai.

Kryeministri i ftuar në RTK, ka deklaruar se ka indikacione edhe fakte se Serbia po bën shkelje të marrëveshjes.

“Por unë pres nga BE e SHBA që sjelljen destruktive të Serbisë, ta gjykojnë e dënojnë”, tha ai.

Sa i përket konstruktivitetit të tij në këtë proces, kryeministri Kurti tha se gjithmonë ka qenë i tillë.

“I lexoj mirë tekstet dhe kur shoh se ka koncepte universale si kjo, kur e ke brenda pavarësinë, integritetin territorial, barazinë e palëve, atëherë jam konstruktiv”, tha Kurti.

Më tej kryeministri Kurti, duke folur për këtë marrëveshje, u shpreh se vetë ka pranuar ta nënshkruajë, por është shfaqur edhe destruktiviteti i Serbisë.

“Unë isha e vetmja palë që kam propozuar ide dhe kam qenë aktiv”.

“Por sa më aktiv e kreativ që bëhesha, aq më shumë ngjallej rezistenca e palës tjetër që u kurorëza me mos nënshkrim sepse edhe ata e dinë siç e di edhe unë që kjo është de-fakto njohje e Kosovës. Barazia e palëve është fakt i pacënueshëm. Duke u pyetur se çfarë ka problem me këtë dokument-marrëveshje, ai tha se është fakti që mund të ketë edhe gjëra të tjera që do të mund të përfshiheshin në marrëveshje. Por në parim është bazë shumë e mirë dhe mendoj se nuk ka diçka substanciale që e bën këtë marrëveshje të papranueshme, andaj e kam pranuar”, tha ai.

Kryeministri tha se nuk mund të normalizohen marrëdhëniet pa adresuar çështjet e së kaluarës, e jo vetëm me ato që lidhen me të kaluarën.

“Tashmë në aneks e kemi me urgjencë çështjen e  të pagjeturve, e që është urgjente që duhet të adresohet”, u shpreh Kurti në RTK.

albin kurti

Sondazh

Poll

Bota 22 Mars 2023, 22:08

DW: Si i bëhet me krizën bankare?

UBS ZVICËR- Vetë dimensioni i së vetmes bankë të madhe zviceriane, bankës së "re USB”, jep arsye për t'u...

MË SHUMË