Aktualitet

2.2 milionë dollarë naftë kontrabandë, lirohet pas gjashtë muajsh ekuipazhi i anijes “Queen Majeda”

Në shtator të vitit të kaluar, në kuadër të operacionit të koduar “Ring” u arrestuan kapiteni i anijes Zuhair Alkëafi 54 vjeç, Muavid Ali Altabir 25 vjeç, Amad Abushala 43 vjeç, të tre nga Libia, dhe Badr Teezini, 25 vjeç nga Siria.

20 Mars 2023, 23:26 Nga F.M
2.2 milionë dollarë naftë kontrabandë, lirohet pas
Anija “Queen Majeda”

DURRËS- Gjykata e Durrësit ka ndryshuar masën e sigurisë ndaj kapitenit dhe 3 anëtarëve të tjerë të ekuipazhit të anijes “Queen Majeda” që u kap me naftë kontrabandë në Portin e Durrësit. Euronews raporton se gjyqtari me kërkesë të prokurorisë vendosi ndryshimin e masës së sigurimit nga “arrest në burg” në “detyrim të qëndrimit në një vend të caktuar” dhe konkretisht në anije, e cila ndodhet e ankoruar në kalatën e mjeteve të sekuestruara për kontrabandë mallrash në portin e Durrësit.

Në shtator të vitit të kaluar, në kuadër të operacionit të koduar “Ring” u arrestuan kapiteni i anijes Zuhair Alkëafi 54 vjeç, Muavid Ali Altabir 25 vjeç, Amad Abushala 43 vjeç, të tre nga Libia, dhe Badr Teezini, 25 vjeç nga Siria.

Anija çisternë që vinte nga porti i Bengazit u kap nga antikontrabanda detare dhe policia kufitare.

6 muaj më parë gjykata e Durrësit caktoi “arrest në burg” për kapitenin e anijes Zuhair Alkëafi, dy ndihmësit Muajid Altabir, Amad Abushala, si dhe punonjësin sirian Badr Tezini.

Anija çisternë “Queen Majeda” që lundronte me flamur të Kamerunit u bllokua më 12 shtator të vitit të kaluar në Durrës. Brenda saj u gjetën dhe sekuestruan 2275 ton naftë kontrabandë, me vlerë rreth 2.2 milionë dollarë.

queen majeda nafte kontrabande ne durres

Sondazh

Poll

MË SHUMË