Aktualitet

Buqetë me lule në vendin ku u vra Etleva Kurti, nusja e Dajës: Na ka therë shpirti për atë vajzë

Nusja e Dajës së të ndjerës është ende e shokuar për ngjarjen e për 'Reporttv' ka treguar se janë mërzitur shumë për këtë humbje.

15 Mars 2023, 17:39 Nga A.B
Buqetë me lule në vendin ku u vra Etleva Kurti, nusja e Dajës: Na
Vendi i ngjarjes

TIRANË- Në shtëpinë e familjen Kurti ka rënë zia. Dyert dritaret dhe e gjithë banesa është e mbyllur pas tragjedisë që ndodhi. Vajza e vetme mes katër vëllezërve ishte viktima e tretë e masakrës së 1 marsit, ndërsa e ema tri ditë pas përcjelljes së vajzës drejt banesës së fundit ka lënë Shqipëria dhe është larguar në Greqi.

Nusja e Dajës së të ndjerës është ende e shokuar për ngjarjen e për 'Reporttv' ka treguar se janë mërzitur shumë për këtë humbje.

BISEDA:

Gazetari: Si jeni?

Nusja e Dajës së Etlevës: Mirë. Mos i raftë kujt ajo punë. Më e rëndë nuk ka seç është. Kishim marrëdhënie se e ëma e gocës me burrin tim janë motër e vëlla. Na ka therë shpirti për atë fëmijë

Gazetari: Po aty më përpara vetëm nëna me vajzën banonte? 

Nusja e Dajës së Etlevës: Jo ishte me vëllain.

Gazetari: Me vëllain e madh?

Nusja e Dajës së Etlevës: Kam informacion se e ëma ka ikur në Greqi tek fëmijët

Gazetari: Ka ikur nëna në Greqi?

Nusja e Dajës së Etlevës: Po, kurse për të tjerët…

Gazetari: Sa ditë ka që ka ikur?

Nusja e Dajës së Etlevës: Mbasi ka mbushur tre ditë goca atje, ka ikur direkt, më shumë nuk di çfarë të flas më se jemi një shtëpi, motër e vëlla më afër nuk ka.

Si ndodhi masakra më 1 mars?

Dan Hutra plagosi fillimisht 40-vjeçaren Marjana Gurakuqi në zonën e Astirit, pasi ajo nuk pranoi t’i jepte një shumë parash që ai i kërkoi. Më pas, me makinën që kishte marrë me qira, shkoi në Paskuqan, aty ku jetonte familja e ish-partneres së tij Elena Hysa. Hapi zjarr duke vrarë motrën dhe kunatën e saj, Mevlute Hysa dhe Hasime Dafku, e cila është shtatzënë, si dhe plagosi vetë Elenën e nënën e saj, Kujtime. Më pas shkoi në Kamëz, në shtëpinë e Etleva Kurtit, duke e qëlluar edhe këtë të fundit për vdekje. Arratia e Dan Hutrës mori fund pas 7 orësh kërkime. Ai u arrestua nga policia në zonën e Sharrës ku kishte shkuar për të ekzekutuar një person të katërt, Rrahman Sela, por që nuk e realizoi dot. 40-vjeçari është dënuar më parë për përdhunim, vrasje e dhunë në familje. Në gjyq, ai nuk ka shprehur asnjë lloj pendese për krimet e kryera./Dosja.al

etleva kurti masakra e paskuqanit

Sondazh

Poll

MË SHUMË