Aktualitet

I arrestuar dhe i akuzuar për trafik droge në Mbretërinë e Bashkuar, Prokuroria kërkon sekuestrimin e pasurive të Selami Durakut

Duraku ka qenë i arrestuar nga policia e Leicestershire në Angli dhe është akuzuar për veprën penale "Prodhim dhe shitje e lëndëve narkotike".

15 Mars 2023, 13:24 Nga F.M
I arrestuar dhe i akuzuar për trafik droge në Mbretërinë e
Prokuroria

TIRANË- Prokuroria e Tiranës ka kërkuar sekuestrimin e pasurisë së Selami Durakut dhe familjarëve të tij. Në një njoftim zyrtar, Prokuroria sqaron se ka kërkuar sekuestron e dy apartamenteve dhe dy garazheve. Sipas Prokurorisë, dyshohet se Duraku ka arritur t’i ketë këto pasuri përmes të të ardhurave që ka siguruar nga shitja e trafikimi i drogës në Mbretërinë e Bardhkuar. Duraku ka qenë i arrestuar nga policia e Leicestershire në Angli dhe është akuzuar për veprën penale "Prodhim dhe shitje e lëndëve narkotike".

Pasuritë për të cilat Prokuroria kërkon skuestro:

- Pasuri e llojit apartament, me sipërfaqe 103.20 m2, në rrugën Aleksandër Moisiu, Tiranë, në pronësi të shtetasit Rr.D.

- Pasuri e llojit apartament, me sipërfaqe 100 m2, në rrugën Aleksander Moisiu, Tiranë, në pronësi të shtetases Gj. D.

- Pasuri e llojit garazh, me sipërfaqe 17.20 m2, në rrugën Aleksander Moisiu, Tiranë, në pronësi të shtetasit Rr.D.

- Pasuri e llojit garazh, me sipërfaqe 17.40 m2, në rrugën Aleksander Moisiu, Tiranë, në pronësi të shtetases Gj. D.

Njoftimi: 

Prokuroria Tiranë kërkon konfiskimin e pasurive të shtetasit S.D. dhe familjarëve të tij, dyshime se janë siguruar nga veprimtaria kriminale në Angli

Prokuroria Prokuroria pranë Gjykatës së Shkallës së Parë Tiranë kërkon konfiskimin e pasurive të luajtshme dhe të paluajtshme të shtetasit S.D., dhe familarëve të tij. Pasuritë nuk justifikohen nga burime të ardhurash të ligjshme dhe dyshohet se rrjedhin nga veprimtaria kriminale e prodhimit dhe trafikimit të lëndëve narkotike.

Shtetasi S.D., është në proces gjyqësor në Angli pasi ka qenë i arrestuar nga policia e Leicestershire/Mbretëri e Bashkuar, për veprën penale "Prodhim dhe shitje e lëndëve narkotike".

Ndërsa shtetasi V. D., është në proces gjyqësor në Angli pasi ka qenë i arrestuar nga policia e Leicestershire/Mbretëri e Bashkuar, për veprën penale të "Mashtrimit, përfshirë dhe falsifikim dokumentesh"

Nga analiza e fakteve dhe e dokumentacionit të administruar për sa i përket pasurive të shtetasve V.D. dhe S.D., dhe familjarëve të tyre, rezulton se kanë një nivel të pajustifikuar ekonomik dhe dyshohet se këto pasuri të paluajtshme, t’i kenë fituar si rezultat i veprimtarisë së tyre kriminale që ata kanë zhvilluar në Angli.

Pasuria zotërohet nga prindërit e shtetasve të sipërpërmendur si subjekt të ligjit dhe ekzistojnë prova konkrete se janë të pajustifikuara.

Në mbështetje të neneve 3, 4, 12, 21,24 dhe në vijim të Ligjit nr.10192 datë 03.12.2009 "Për parandalimin dhe goditjen e krimit të organizuar dhe trafikimit nëpërmjet masave parandaluese kundër pasurisë",

PROKURORIA KËRKON:

Konfiskimin dhe kalimin në pronësi të shtetit, të pasurive në pronësi të shtetasve R.D., e Gj.D., si më poshtë:

- Pasuri e llojit apartament, me sipërfaqe 103.20 m2, në rrugën Aleksandër Moisiu, Tiranë, në pronësi të shtetasit Rr.D.

- Pasuri e llojit apartament, me sipërfaqe 100 m2, në rrugën Aleksander Moisiu, Tiranë, në pronësi të shtetases Gj. D.

- Pasuri e llojit garazh, me sipërfaqe 17.20 m2, në rrugën Aleksander Moisiu, Tiranë, në pronësi të shtetasit Rr.D.

- Pasuri e llojit garazh, me sipërfaqe 17.40 m2, në rrugën Aleksander Moisiu, Tiranë, në pronësi të shtetases Gj. D.

prokuroria e tiranes selami duraku

Sondazh

Poll

MË SHUMË