Bota

Beteja për Bakhmut/ Rrëfimi i ushtarëve: Po tërheqim trupat e pajetë të civilëve! Nuk do të heqim dorë, lufta vazhdon

Khalid Makiazho thotë se civilët e mbetur po struken në bodrume dhe dalin nga strehimet vetëm për të marrë ushqim.

12 Mars 2023, 11:10 Nga a.l
Beteja për Bakhmut/ Rrëfimi i ushtarëve: Po tërheqim trupat
Bakhmut

UKRAINË- Betejë e ashpër është duke u zhvilluar në qytetin lindor të Ukrainës në Bakhmut. Mediat e huaja raportojnë se autoritetet ukrainase kanë ngritur alarmin në lidhje me civilët të cilët janë bllokuar në qytet. Ndërkohë ushtarët ukrainas raportojnë për trupa civilësh të vrarë në rrugët e qytetit, por deklarojnë se marrja e trupave të tyre është e pamundur për shkak të intensitetit të betejës që po zhvillohet në qytetin lindor. Khalid Makiazho, pjesë e një batalioni çeçen që mbështet Ukrainën, përshkroi shkatërrimin e qytetit nga granatimet e sulmet e njëpasnjëshme.  Ai thotë se civilët e mbetur po struken në bodrume dhe dalin nga strehimet vetëm për të marrë ushqim.

“Ka ende njerëz në qytet, disa prej tyre janë shumë të moshuar, ka edhe trupa të pajetë të civilëve, ne po përpiqemi t’i marrim trupat, por nuk ka asnjë mënyrë për të arritur tek ata”, ka deklaruar ai.

Më e rëndësishmja, Khalid Makhiazo thotë se forcat ruse nuk e kanë marrë qendrën e Bakhmutit dhe ishin ende në periferi, pavarësisht pretendimeve të tyre. Por ai pranoi se gjërat mund të ndryshojnë në terren së shpejti.

“Ata janë në periferi dhe qyteti është nën kontrollin tonë. Unë mendoj se luftimet do të vazhdojnë… do të ketë një luftë dhe ne nuk do të heqim dorë nga qyteti”, deklaroi ai.

khalid makiazho

Sondazh

Poll

MË SHUMË