Aktualitet

Lopë kontrabandë në Shqipëri! 5 të arrestuar, mes tyre veterineri i bashkisë Sarandë

Gjatë kontrolleve u gjetën 25 krerë bagëti të ngarkuara në dy kamionë.

11 Mars 2023, 11:25 Nga A.B
Lopë kontrabandë në Shqipëri! 5 të arrestuar, mes tyre
Momenti i arrestimit

SARANDË- Pesë persona janë arrestuar në Sarandë pasi dyshohen se kanë vjedhur disa bagëti në Greqi. Gjatë kontrolleve u gjetën 25 krerë bagëti të ngarkuara në dy kamionë. Arben Husi, 50-vjeç, Kreshnik Likaj, 37-vjeç, Venetik Dylmishi, u arrestuan nga policia, për veprën penale “Transportimi i mallrave kontrabandë”, kryer në bashkëpunim.

Grupi hetimor ka nisur punën për të zbardhur aktivitetin e këtyre personave, tashmë të arrestuar.

NJOFTIMI I POLICISË:

Kontrabandonin bagëti të trasha, nga Greqia në drejtim të Shqipërisë, nëpërmjet kufirit të gjelbër, me qëllim tregtimin e tyre, vihen në pranga 5 shtetas. Sekuestrohen 2 kamionë me të cilët transportoheshin 25 krerë bagëti të dyshuara të vjedhura në Greqi, si dhe 5 aparate celulare. Specialistët për Hetimin e Krimeve të Komisariatit të Policisë Sarandë, në vijim të punës për goditjen e aktivitetit të paligjshëm të kontrabandës me mallra, mbështetur dhe në inteligjencën informative, se në Konispol po bëhej tregtimi i disa bagëtive të trasha të kontrabanduara, kanë organizuar punën dhe kanë goditur këtë rast, në kuadër të operacionit policor të koduar “Informale”.

Si rezultat u vunë në pranga shtetasit:

A. H., 50 vjeç, banues në Konispol, K. L., 32 vjeç, banues në Fier dhe V. D., 37 vjeç, banues në Patos, për veprën penale “Transportimi i mallrave kontrabandë”, kryer në bashkëpunim; A. Sh., 55 vjeç, me detyrë veteriner, në Zyrën e Bujqësisë Sarandë, dhe J. H., 26 vjeç, të dy banues në Sarandë, për veprën penale “Falsifikimi i dokumenteve”, kryer në bashkëpunim.

Nga veprimet hetimore ka rezultuar se këta shtetas, në bashkëpunim me njëri-tjetrin, pasi siguronin bagëtitë të trasha, në Greqi, i kontrabandonin ato, nepërmjet kufirit të gjelbër, në territorin shqiptar, dhe me anë të dokumenteve të falsifikuara, i shisnin kundrejt shumave të ndryshme monetare. Materialet i kaluan Prokurorisë pranë Gjykatës së Shkallës së Parë Sarandë, për veprime të mëtejshme.

bashkia sarande lope kontrabande arben husi kreshnik likaj venetik dylmishi

Sondazh

Poll

MË SHUMË