Aktualitet

Shpërthimi me tritol në shtëpinë e Skënder Likës, gjendet e djegur makina e autorëve

Mjeti është shkrumbuar totalisht nga flakët dhe për të nuk ka patur njoftim në sallën operative, por është dërguar në komisariatin e policisë në Krujë.

11 Mars 2023, 10:03 Nga A.B
Shpërthimi me tritol në shtëpinë e Skënder Likës,
Makina

KRUJË- Një ditë pas shpërthimit me tritol në banesën e Skënder Likës, gjendet mjeti i autorëve. Raportohet se autovetura tip ‘Volksëagen Passat’ është gjetur e djegur nga policia ne venin e quajtur Kallmat në fshatin Gramës të Fushë-Krujës.

Mjeti është shkrumbuar totalisht nga flakët dhe për të nuk ka patur njoftim në sallën operative, por është dërguar në komisariatin e policisë në Krujë. Makina dyshohet të jetë përdorur nga autorët për vënien e sasisë së eksplozivit familjes Lika në Laç. Pritet të vijnë ekspertet nga Laçi për të bërë kqyrjen e mjetit.


Ngjarja e rëndë ndodhi një ditë më parë, rreth orës 3 e 30 minuta në fshatin Sanxhak të Kurbinit dhe objekt i sulmit me lëndë plasese ishte banesa e Skënder Likes. Shpërthimi ishte i fortë duke shkaktuar dëme të shumta materiale dhe në objekte të tjera aty pranë, por fatmiresisht nuk pati përsona të lënduar./Dosja.al

skender lika

Sondazh

Poll

MË SHUMË