Aktualitet

Rëndohet bilanci i aksidentit tragjik në Tiranë, 2 gra të vdekura 

Një mjet i drejtuar nga Q.K. ka humbur kontrollin e mjetit të tij dhe ka dalë nga rruga duke përfunduar mbi kofanon e mjetit që po vazhdonte rrugën e tij poshtë mbikalimit. 

9 Mars 2023, 18:54 Nga k.m.
Rëndohet bilanci i aksidentit tragjik në Tiranë, 2 gra të
Pamje nga nga vendi i ngjarjes

TIRANË- Rëndohet bilanci i aksidentit tragjik që ka ndodhur pasditen e sotme në Tiranë. Nga ngjarja e ndodhur në orën 18.05 të pasdites së sotme, një mjet i drejtuar nga Q.K. ka humbur kontrollin e mjetit të tij dhe ka dalë nga rruga duke përfunduar mbi kofanon e mjetit që po vazhdonte rrugën e tij poshtë mbikalimit. Si pasojë kanë humbur jetën dy gra, ndërsa në spital janë 3 të tjerë: Q K., O. K., dhe K. R., të cilët ndodhen nën kujdesin e mjekëve. Ende nuk dihen detaje lidhur me gjendjen e tyre shëndetësore. Ndërkohë që grupi hetimor ndodhet në vendngjarje dhe po punon për sqarimin e rrethanave të aksidentit. 

NJOFTIMI I PLOTË:

Tiranë/Informacion paraprak

Më datë 09.03.2023, rreth orës 18:05, shtetasi Q. K., duke drejtuar automjetin, në unazën lindore dyshohet se duke dalë për tek rrethrrotullimi i Tegut, ka humbur kontrollin mbi drejtimin e tij dhe automjeti ka dalë nga rruga dhe ka rënë nga mbikalimi, mbi kofanon e një automjeti tjetër. Si pasojë kanë humbur jetën dy shtetase femra, si dhe janë dërguar në spital për ndihmë mjekësore shtetasit Q K., O. K., dhe K. R., të cilët ndodhen nën kujdesin e mjekëve.

Grupi hetimor ndodhet në vendngjarje dhe po punon për sqarimin e rrethanave të aksidentit. Mbi rrethanat dhe shkaqet e aksidentit, pas përfundimit të këqyrjes së vendit të ngjarjes, dhe për gjendjen shëndetsore të të dëmtuarve në spital, do të keni njoftim në vijim.

aksident tragjik ne tirane

Sondazh

Poll

MË SHUMË