Sport

Shpërthejnë ankesat te Tottenham, braziliani Richarlison e ka me Conten…

Gjuhët janë liruar te Spurs pas eliminimit në Champions League nga AC Milani.

9 Mars 2023, 11:58 Nga DOSJA
Shpërthejnë ankesat te Tottenham, braziliani Richarlison e ka me

ANGLI - Zhgënjim te Tottenhami! Të mposhtur 1-0 në ndeshjen e parë në Itali, Spurs nuk arritën ta kthenin rezultatin në shtëpi, ku arritën një barazim trishtues 0-0 që i eliminoi nga vazhdimi në Champion League.

Pas takimit, tensioni ishte i dukshëm në radhët e anglezëve dhe gjuhët u liruan. Në veçanti, Richarlison, sulmuesi brazilian i Tottenhamit, i cili nuk ngurroi të përballej me zgjedhjet e trajnerit të tij Antonio Conte, i cili e aktivizoi në minutën e 70-të për të zëvendësuar Emerson.

Në mikrofonin e TNT Sports, ai foli me një gjuhë të ashpër: "Unë jam i sinqertë, ky sezon ka qenë m*t. Unë dua të luaj. Nuk i kuptova zgjedhjet e Contes. Isha në një moment pozitiv... dhe Conte më ktheu në pankinë. Dje më testoi në formacionin startues, më pas… mbeta sërish në pankinë”,- u shpreh ai, në një prononcim që duhet t'i bëjë njerëzit të reagojnë në anën tjetër të Kanalit. 

Ndërkohë, Spurs tani do të duhet të fokusohen te kampionati me garën për t'u kualifikuar në Champions League. Aktualisht janë në vendin e katërt me tre pikë përpara Liverpoolit dhe një ndeshje më pak.

B.T (Dosja.al)

Sondazh

Poll

MË SHUMË