Sport

Mikel Arteta besnik i 'Topçinjve', nuk i dëgjon thashethemet për Real Madridin…

Trajneri spanjol i Arsenalit, Mikel Arteta, ka folur për lëvizjen e tij të përfolur drejt Real Madridit

9 Mars 2023, 11:41 Nga DOSJA
Mikel Arteta besnik i 'Topçinjve', nuk i dëgjon

ANGLI - A do të ishte ai, i zgjedhuri, që do ta kthejë Arsenalin në krye të mbretërisë për t'u bërë më në fund pasardhësi i Arsene Wengerit? Për momentin, ashtu duket. Në krye të kampionatit anglez, Mikel Arteta po bën një sezon të pabesueshëm në stolin e ‘Topçinjve’.   

Pas 26 javësh në Premier League, skuadra e tij është ende pesë pikë përpara Manchester Cityt dhe mbetet në garën e Europa League. Sonte (18:45), ‘Topçinjtë’ do të luajnë në fushën e Sportingut në ndeshjen e parë të raundit të 16-të të C3. Para këtij takimi, spanjoli ishte i pranishëm në një konferencë për shtyp, u pyet edhe për të ardhmen e tij, emri i të cilit është përmendur së fundmi i lidhur me … Real Madrid.

Ish-asistenti i Guardiolës ishte shumë i vendosur përballë këtyre thashethemeve: "Si trajner, nuk mund t'i kontrolloj gjërat që shkruhen për mua. Por ajo që mund t'ju them është se jam plotësisht i fokusuar në punën që po bëj këtu dhe jam jashtëzakonisht krenar dhe mirënjohës për atë që po bëj me këtë klub futbolli. Dhe kaq." 

Mbështetësit dhe tifozët e Arsenalit mund të qetësohen, spanjoli Mikel Arteta është dukshëm i papërshkueshëm nga ajo që mund të thuhet për të dhe plotësisht i fokusuar në sezonin e tij me ‘Topçinjtë’. 

B.T (Dosja.al)

Sondazh

Poll

MË SHUMË