Bota

Tragjedia e përplasjes së trenave në Greqi, sindikatat hekurudhore paralajmërojnë grevë 48 orëshe

Shërbimet hekurudhore janë pezulluar që prej mesditës së të mërkurës së 1 marsit pas aksidentit tragjik në Tempe, i cili rezultoi në 57 të vdekur.

4 Mars 2023, 10:51 Nga I.A
Tragjedia e përplasjes së trenave në Greqi, sindikatat
perplasja e trenave

GREQI- Grevë të re 48-orëshe për të shtunën e 4 dhe të dielën e 5 marsit kanë paralajmëruar sindikatat e hekurudhave. Prandaj, asnjë linjë helenike e trenit, duke përfshirë itineraret periferike të Athinës, nuk do të udhëtojë. Të dielën në mëngjes punonjësit në hekurudha do të zhvillojnë një miting në Syntagma. Shërbimet hekurudhore janë pezulluar që prej mesditës së të mërkurës së 1 marsit pas aksidentit tragjik në Tempe, i cili rezultoi në 57 të vdekur.

Siç kishte njoftuar Federata Panhelenike Hekurudhore (POS), do të hartohet një memorandum me të gjitha problemet që kanë të bëjnë me Hekurudhën dhe do të kërkohet një takim i menjëhershëm me Ministrinë e Transportit dhe partitë politike, deri në javën e ardhshme ku do të paraqesin mendimet e lëvizjes sindikale për çështje të sigurisë. Menjëherë pas mbledhjeve dhe duke marrë parasysh rezultatet e diskutimeve, Bordi i Drejtorëve do të mblidhet për të marrë vendimet përkatëse.

Ngjarja e rëndë ndodhi tre ditë më parë pranë Larisës në Greqi. Treni me 350 udhëtarë që ishte nisur nga Athina për në Selanik është përplasur me një tjetër që po transportonte mallra duke shkaktuar një bilanc tragjik me të paktën 57 të vdekur dhe 85 të plagosur. 

tragjedia e trenave ne greqi

Sondazh

Poll

MË SHUMË