Bota

Arriti të shpëtonte mrekullisht me fëmijën në krahë/ Gruaja tregon momentin e përplasjes së trenave: Kërkonim një vrimë për të dalë

Ajo tregon se ka dalë nga një vrimë që ishte krijuar në vagonin e tyre nga përplasja dhe kështu arritën të shpëtonin. 

2 Mars 2023, 08:47 Nga a.l
Arriti të shpëtonte mrekullisht me fëmijën në
Aksidenti tragjik në Larisa\

GREQI- Ndërsa numri i të vdekurve nga përplasja e trenit në Larisa të Greqisë rritet, të mbijetuarit e përplasjes fatale përshkruajnë "ferrin" që përjetuan në momentin kur çdo gjë ka shpërthyer në flakë. Një nënë me djalin e saj 7-vjeçar,  të cilët po udhëtonin me karrocën 2 në momentin që ajo mori flakë ka treguar për mediat greke sesi arriti të shpëtonte veten dhe fëmijën e saj nga treni i cili ishte kthyer një masë amorfe hekuri. Ajo tregon se ka dalë nga një vrimë që ishte krijuar në karrocën e tyre nga përplasja dhe kështu arritën të shpëtonin. 

“Aty ndodhi një fatkeqësi. Ishim në lëvizje kur papritur pati një përplasje të rëndë. U dëgjua një zë i fortë. U tundëm shumë, po goditnim majtas e djathtas. Vagoni ynë ishte bërë një masë dhe  dolëm nga një vrimë që ishte aty. Një bashkëudhëtar që ishte pranë nesh na ndihmoi. Vagona kishte marrë flakë dhe ishte afër nesh” , thotë nëna e re që po përpiqej të largohej nga treni i dalë nga shinat  me djalin në krahë  dhe duke ecur mes kufomave.

“Ishim në karrocën 2. E njëjta karrocë kishte marrë flakë dhe ishte afër nesh.  Zjarri ishte në karrocën 2, sediljet e pasme dhe karrocën 3 . Ishim 4 veta ku ishim ulur dhe të gjithë dolëm të gjallë. Në karroca të tjera pashë trupa të rënë, por po mundohesha të mos e lija fëmijën t'i shihte dhe e shtyva larg", tregoi ai. 

Ngjarja e rëndë ndodhi pak para mesnatës së të martës në Greqi. Dy trena u përplasën me njëri-tjetrin duke shkaktuar një zjarr që deri më tani iu ka marrë jetën 40 personave. Një tren me 350 pasagjerë që po udhëtonte nga Athina drejt Selanikut u përplas me një tren mallrash. Shkak për shpërthimin e zjarrit dyshohet se është bërë prerja e një kablli elektrik në njërën prej vagonët të trenit me pasagjerë që në momentin e përplasjes ka rezultuar fatal./Dosja.al

tragjedia e trenave ne greqi

Sondazh

Poll

MË SHUMË