Bota

Shefi i OKB-së viziton Irakun pas 6 vitesh: Besoj fort se irakianët do të kapërcejnë vështirësitë dhe sfidat

Vizita e tij e fundit në vend ishte në pranverën e vitit 2017.

1 Mars 2023, 16:59 Nga a.l
Shefi i OKB-së viziton Irakun pas 6 vitesh: Besoj fort se irakianët do
Antonio Gueterres

IRAK- Sekretari i Përgjithshëm i OKB-së Antonio Guterres ka zhvilluar sot një vizitë në Irak pas 6 vitesh. Guterres tha se donte të demonstronte solidaritet me njerëzit dhe institucionet demokratike të Irakut, që nënkupton se Kombet e Bashkuara janë plotësisht të përkushtuara për të mbështetur konsolidimin e institucioneve në këtë vend.

Ai deklaroi se donte gjithashtu të shprehte besimin e tij se irakianët do të jenë në gjendje të kapërcejnë vështirësitë dhe sfidat me të cilat përballen ende përmes një dialogu të hapur dhe gjithëpërfshirës. Shefi i OKB-së, i cili zbarkoi gjatë natës nga e marta në të mërkurë në Bagdad, do të takohet të mërkurën me kryeministrin Mohammed Shia al-Sudani, si dhe me përfaqësues të grupeve të të drejtave të grave dhe të të rinjve. Të enjten, ai do të vizitojë një kamp për personat e zhvendosur në veri të vendit, përpara se të shkojë në Erbil për t'u takuar me përfaqësuesit e qeverisë rajonale të Kurdistanit irakian.

Vizita e tij e fundit në vend ishte në pranverën e vitit 2017. Më pas, ai do të udhëtojë për në Katar, ku Guterres do të marrë pjesë në samitin e vendeve më pak të zhvilluara.

antonio gueterres

Sondazh

Poll

MË SHUMË