Sport

Ten Hag u shkruan një letër fansave të Man.United: "Nuk do të ndalemi këtu"…

Trajneri Erik Ten Hag kujton hapat e tij të parë në ‘Old Trafford’, duke e bërë të qartë se çfarë dëshiron për të ardhmen e klubit. “Ne duam ta kthejmë këtë klub, atje ku duam të jemi”, ka shkruar ai.

27 Shkurt 2023, 18:02 Nga DOSJA

Ten Hag u shkruan një letër fansave të Man.United: "Nuk do

ANGLI - Manchester United ndau këtë të hënë një letër të hapur, të shkruar nga Erik Ten Hag, për të gjithë tifozët e ‘Djajve të Kuq’, pasi mposhti 2-0 në finale Newcastle, duke fituar Carabao Cup, trofe e munguar që nga viti 2016/2017, për skuadrën e Manchesterit. Trajneri holandez theksoi rëndësinë e tifozëve në rrugëtimin e skuadrës këtë sezon.

“Atmosfera e krijuar nga ju në ‘Wembley’ ishte e pabesueshme. Ata ishin me ne nga minuta e parë deri në minutën e fundit, duke ndihmuar ekipin, duke e mbështetur atë dhe duke inkurajuar lojtarët për të rikthyer trofeun në Mançester. Për ata që nuk mundën të ishin aty, ndjejmë mbështetjen e tyre para, gjatë dhe pas lojës. Dijeni se secili prej jush do të bëjë gjithmonë pjesën e tij që ky ekip të jetë i suksesshëm”,- lexohet në letër.

Erik Ten Hag kujtoi gjithashtu hapat e tij të parë në ‘Old Trafford’, duke e bërë të qartë se çfarë dëshiron për të ardhmen e klubit. “Ne duam ta kthejmë këtë klub, atje ku duam të jemi”, shtoi ai.

Lexoni mesazhin e plotë të trajnerit Ten Hag:

“Për të gjithë tifozët e Manchester United,

Doja të merrja pak kohë për të folur drejtpërdrejt me ju këtë mëngjes.

Kur mbërrita në klub, folëm për sfidën dhe rëndësinë e bashkimit të këtij grupi lojtarësh me mbështetësit tanë fantastikë.

Më besoni, ky ekip e di saktësisht se sa të rëndësishëm jeni. Lidhja mes tifozëve dhe ekipit është aty, për t'u parë nga të gjithë dhe ajo që përjetuam së bashku dje vetëm sa do ta forcojë më tej. 

Atmosfera që krijuat në ‘Wembley’ ishte e pabesueshme. Ata ishin me ne nga minuta e parë deri në minutën e fundit, duke ndihmuar ekipin, duke e mbështetur atë dhe duke inkurajuar lojtarët për të rikthyer trofeun në Mançester.

Për ata që nuk mundën të ishin aty, ndjejmë mbështetjen e tyre para, gjatë dhe pas lojës. Dijeni se secili prej jush do të bëjë gjithmonë pjesën e tij për ta bërë këtë ekip të suksesshëm.

Jam krenar për lojtarët dhe stafin tim për përgatitjen dhe performancën e tyre. Dje pamë dëshirën, shpirtin dhe vendosmërinë e nevojshme, që duhet të kërkojmë nga të gjithë ata që përfaqësojnë Manchester United.

Ten Hag u shkruan një letër fansave të Man.United: "Nuk do

Ne vendosim standarde të larta çdo ditë. Në ‘Wembley’ i plotësuam këto kërkesa dhe morëm trofeun tonë të parë së bashku.

Ne e dimë rëndësinë e titujve gjatë historisë së këtij klubi të madh. Ne jemi të kënaqur që rikthejmë trofeun në ‘Old Trafford’, por nuk jemi aspak të kënaqur dhe nuk do të ndalemi me kaq.

Së bashku ne ndjemë se çfarë do të thotë të fitosh për Manchester United. Është me të vërtetë madhështore dhe vetëm se do ta bëjë secilin prej nesh më të uritur për të pasur sukses.

Ky grup është përmirësuar jashtëzakonisht gjatë muajve të fundit, por ka ende shumë për të bërë. Mund të garantoj që të gjithë në Carrington do të punojnë vazhdimisht pasi ne e njohim këtë klub dhe ju mbështetësit meritoni më shumë ditë të mrekullueshme si kjo.

Ne jemi kthyer në punë sot, me fokus të plotë në përgatitjen për ndeshjen e West Ham në FA Cup të mërkurën mbrëma.

Ne duam ta kthejmë këtë klub atje ku duam të jemi.

Dije se ti je jetik për atë që duam të arrijmë dhe konsiderojeni të djeshmen, si provë të asaj që mund të ndodhë kur jemi të gjithë të bashkuar.

Faleminderit për mbështetjen dhe përkushtimin tuaj”,- ka shkruar trajneri Erik TenHag për të gjithë mbështetësit dhe tifozët e Manchester United.

B.T (Dosja.al)

Sondazh

Poll

MË SHUMË