Sport

Mbyllet dosja, Dani Alves rrezikon dhjetë vite burg, pritet data e gjyqit…

Gazeta El Mundo citon një burim nga Gjykata e Barcelonës, i cili thotë se “procesi i hetimit është finalizuar praktikisht. Është e parashikueshme dhe e dëshirueshme që procesi përmbledhës të përfundojë”

27 Shkurt 2023, 17:21 Nga DOSJA

Mbyllet dosja, Dani Alves rrezikon dhjetë vite burg, pritet data e

SPANJE - Hetimi për padinë ndaj Daniel Alves është drejt fundit dhe së shpejti mund të shpallet data e gjykimit. Sipas gazetës El Mundo, mbrojtësi brazilian rrezikon një dënim nga 8 deri në 10 vjet burg. Daniel Alves është nën hetim, pasi u akuzua për përdhunim nga një femre 23-vjeçare, më 30 dhjetor, në një klub në Barcelonë.

Gazeta citon një burim nga Gjykata e Barcelonës, i cili thotë se “procesi i hetimit është finalizuar praktikisht. Është e parashikueshme dhe e dëshirueshme që procesi përmbledhës të përfundojë”,- thotë burimi, ndërsa gazeta thekson se tashmë janë dëgjuar të gjithë dëshmitarët dhe tashmë janë kryer të gjitha analizat e ADN-së, që normalisht vonojnë proceset. Lojtari është mbajtur në paraburgim për më shumë se një muaj.

Mbyllet dosja, Dani Alves rrezikon dhjetë vite burg, pritet data e

Futbollisti 39-vjeçar duhet të përgjigjet për “krimin e agresionit seksual me depërtim, të nenit 179 të Kodit Penal, i cili parashikon dënimin nga 4 deri në 12 vjet burg”,- me faktorin rëndues “shpërdorimi i epërsisë, duke e detyruar viktimën”, e cila parashikon një dënim nga 8 deri në 10 vjet.

El Mundo përmend gjithashtu, se mbrojtja e lojtarit po studion procesin, pasi ai mund të bëjë deklarata të reja, të cilat tashmë i ka paraqitur në disa versione.

B.T (Dosja.al)

Sondazh

Poll

MË SHUMË