Bota

U kritikua nga të mbijetuarit/ Erdogan: Kërkoj falje që autoritetet reaguan me vonesë për të shpëtuar qytetarët e bllokuar nga tërmeti

Erdogan, i cili po kërkon një mandat tjetër si president pas dy dekadash në pushtet, ka marrë kritika të forta nga të mbijetuarit e tërmetit në Adiyaman në juglindje. Në zgjedhjet e fundit në vitin 2018, Erdogan mundi me lehtësi rivalin e tij laik të opozitës në atë provincë.

27 Shkurt 2023, 16:01 Nga a.l
U kritikua nga të mbijetuarit/ Erdogan: Kërkoj falje që
Rexhep Taip Erdogan

TURQI- Presidenti turk Rexhep Tajip Erdogan ka kërkuar falje për vonesën e autoriteteve për shpëtimin e qytetarëve të blokuar nnë rrënojat e tërmetit shkatërrues të 6 shkurtit, ndërsa vizitoi një nga zonat e goditura më rëndë nga tërmeti vdekjeprurës në fillim të këtij muaji. 

Siç raportojnë mediat turke, Erdogan, i cili po kërkon një mandat tjetër si president pas dy dekadash në pushtet, ka marrë kritika të forta nga të mbijetuarit e tërmetit në Adiyaman në juglindje. Në zgjedhjet e fundit në vitin 2018, Erdogan mundi me lehtësi rivalin e tij laik të opozitës në atë provincë.

“Për shkak të efektit shkatërrues të lëkundjeve dhe motit të keq, ne nuk ishim në gjendje të punonim ashtu siç dëshironim në Adiyaman për ditët e para. Kërkoj falje për këtë”, tha Erdogan.

Tërmeti i 6 shkurtit vrau më shumë se 44,000 njerëz në Turqi dhe mijëra të tjerë në Sirinë fqinje. Katastrofa goditi pikërisht kur Erdogan po fitonte vrull dhe po fillonte të ngrinte shifrat e miratimit të tij nga niveli i ulët i vuajtur gjatë një krize të tmerrshme ekonomike që shpërtheu vitin e kaluar. Menjëherë pas tërmetit, Erdogan kishte pranuar "mangësitë" në trajtimin e katastrofës nga qeveria.

termet ne turqi

Sondazh

Poll

MË SHUMË